Сяргей Іосіфавіч Юткевіч

Сяргей Юткевіч
Сяргей Юткевіч
	руск.: Сергей Иосифович Юткевич
Імя пры нараджэнні	Сяргей Іосіфавіч Юткевіч
Дата нараджэння	15 (28) снежня 1904
Месца нараджэння	Санкт-Пецярбург, Расійская імперыя;
Дата смерці	24 красавіка 1985[…] (80 гадоў) ці 23 красавіка 1985[…] (80 гадоў)
Месца смерці	Масква, РСФСР, СССР;
Месца пахавання	Новадзявочыя могілкі;
Грамадзянства	СССР
Адукацыя	Вышэйшыя мастацка-тэхнічныя майстэрні;
Месца працы	Усерасійскі дзяржаўны ўніверсітэт кінематаграфіі імя С. А. Герасімава;
Прафесія	кінарэжысёр, сцэнарыст, акцёр, рэжысёр, прафесар, тэатральны рэжысёр, сцэнограф, мастак, тэатральны педагог
Кар’ера	1925—1980
Кірунак	сацыялістычны рэалізм
Прэміі
IMDb	ID 0951170
	Медыяфайлы на Вікісховішчы

Сяргей Іосіфавіч Юткевіч (15(28).12.1904, Пецярбург-23 красавіка 1985) — савецкі кінарэжысёр, тэатральны рэжысёр, сцэнарыст, акцёр, тэатральны педагог, прафесар, тэарэтык кінамастацтва, народны артыст СССР (1962), Герой Сацыялістычнай Працы (1974), доктар мастацтвазнаўства (1941).

Біяграфія

У 1921—1923 гадах вучыўся ў Дзяржаўных вышэйшых рэжысёрскіх майстэрняў пад кіраўніцтвам У. Э. Меерхольда і ў Вышэйшых мастацка тэхнічных майстэрнях (ВХУТЕМАС). Разам з Р. М. Козінцавым і Л. 3. Траўбергам арганізаваў групу ФЭКС (Фабрыка эксцэнтрычнага акцёра), унеслі ў кінематограф рысы сумежных мастацтваў (цырка, эстрады). З 1925 года працаваў у кіно.

Прызнанне рэжысёру прынёс фільм «Карункі» (1928). Значную ролю ў станаўленні паэтыкі кінематографа сыграў гукавы фільм Юткевіча «Залатыя горы» (1931). Фільм «Сустрэчны» (1932, сумесна з Ф. М. Эрмлерам) пра лёсы людзей сучаснага завода стаў этапнай падзеяй у гісторыі савецкага кіно. У 1930−1950 гадах Юткевічам былі створаны дакументальныя і мастацкія карціны: «Анкара — сэрца Турцыі» (1934), «Шахцёры» (1937), «Чалавек з ружжом» (1938), «Якаў Свердлаў» (1940), «Вызваленая Францыя» (1944), «Прывітанне, Масква!» (1946), «Пржэвальскі» (1952). Галоўны рэдактар "Кінаслоўніка" (т. 1-2, 1966—1970).