Людміла Раманаўна Ганестава

Людміла Раманаўна Ганестава
Дата нараджэння	18 ліпеня 1923(1923-07-18)
Месца нараджэння	Калышкі, Віцебскі павет, Віцебская губерня, РСФСР, СССР
Дата смерці	16 лістапада 2009(2009-11-16) (86 гадоў)
Грамадзянства	Беларусь  СССР
Адукацыя	Беларуская дзяржаўная кансерваторыя імя А. В. Луначарскага (1955)
Прафесія	оперная спявачка
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Людміла Раманаўна Гане́става (18 ліпеня 1923, Калышкі, Лёзненскі раён, Віцебская вобласць — 16 лістапада 2009) — беларуская артыстка оперы. Заслужаная артыстка БССР (1964).

У гады вайны сувязіст штаба 2-й паветранай арміі. Скончыла Беларускую кансерваторыю (1955, клас Вольгі Несцярэнка). З 1949 г. артыстка хору Беларускага радыё, у 1957—1980 гг. салістка Дзяржаўнага тэатра оперы і балета Беларусі. У 1988—1994 выкладала ў школах.

У операх беларускіх кампазітараў стварыла яркія вобразы: Марысі («Міхась Падгорны» Я. Цікоцкага), Аксаны («Калі ападае лісце» Ю. Семянякі). Выканала партыі ў класічных операх: Наташа («Русалка» А. Даргамыжскага), Аіда, Леанора, Амелія, Дэздэмона («Аіда», «Трубадур», «Баль-маскарад», «Атэла» Дж. Вердзі), Марыя, Настасся («Мазепа», «Чарадзейка^[ru]» П. Чайкоўскага), Маргарыта («Фаўст» Ш. Гуно), Чыа-Чыа-сан («Чыа-Чыа-сан» Дж. Пучыні) і інш.

• Ганестава Людміла Раманаўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2011. — Т. 2. — 544 с. — 3 000 экз. — ISBN 978-985-11-0570-6.
• Бельченкова, А. Людмила Романовна Ганестова / А. Бельченкова, И. Соколова // Сцяг Перамогі (Лёзна). — 2006. — 19 верасня.
• Ганестава Людміла Раманаўна // Тэатральная Беларусь : энцыклапедыя : у 2 т. / рэдкал. Г. П. Пашкоў [і інш.]; пад рэд. А. В. Сабалеўскага. — Мн., 2002. — Т. 1. — С. 246—247.
• Лампицкая, А. И вся жизнь песня / А. Лампицкая // Сцяг Перамогі (Лёзна). — 2003. — 19 ліпеня.
• Рудабельская, В. Яны вучыліся ў нашай школе / В. Рудабельская // Сцяг Перамогі (Лёзна). — 2005. — 26 лістапада.