Марына Уладзіміраўна Пятрова

Марына Уладзіміраўна Пятрова
Дата нараджэння	6 лютага 1934(1934-02-06) (91 год)
Месца нараджэння	Рыга, Латвійская Рэспубліка
Грамадзянства	СССР  Беларусь
Адукацыя	Маскоўская дзяржаўная акадэмія харэаграфіі[d] (1952)
Прафесія	балерына
Тэатр	Дзяржаўны акадэмічны Вялікі тэатр оперы і балета БССР Беларуская дзяржаўная харэаграфічная гімназія-каледж
Член у	БСТД
Узнагароды

Марына Уладзіміраўна Пятрова (6 лютага 1934, Рыга) — беларуская артыстка балета, педагог. Заслужаная артыстка БССР (1967).

У 1952 годзе скончыла Маскоўскае харэаграфічнае вучылішча.

У 1952—1972 гадах — салістка Дзяржаўнага тэатра оперы і балета Беларусі, адначасова ў 1968—1971, 1973—1975 і з 1980 года — выкладчык Беларускага харэаграфічнага каледжа.

Член Беларускага саюза тэатральных дзеячаў з 1959 года.

Выканала галоўныя партыі ў беларускіх балетах: Джулія, Няўзіра («Альпійская балада», «Выбранніца» Я. Глебава), Рузя («Падстаўная нявеста» Г. Вагнера); у спектаклях класічнага і сучаснага рэпертуару: Аўрора, Маша («Спячая прыгажуня», «Шчаўкунок» П. Чайкоўскага), Ліза («Марная засцярога» П. Л. Гертэля), Гамзаці, Вулічная танцоўшчыца («Баядэрка^[ru]», «Дон Кіхот» Л. Мінкуса), Гюльнара («Карсар^[ru]» А. Адана), Вакханка («Вальпургіева ноч» Ш. Гуно), Крылянка («Папялушка^[ru]» С. Пракоф’ева), Анель («Блакітны Дунай» І. Штрауса), Эгіна («Спартак^[ru]» А. Хачатурана).

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
• А. І. Калядэнка. Пятрова Марына Уладзіміраўна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.