Марыя Карнеенка

Марыя Карнеенка
Марыя Карнеенка
Род дзейнасці	візуальная мастачка, фатографка
Дата нараджэння	1981
Месца нараджэння	Гомель, Гомельская вобласць, Беларуская ССР, СССР;
Альма-матар	Гомельскі дзяржаўны тэхнічны ўніверсітэт імя П. В. Сухога;

Марыя Карнеенка (нар. 1981, Гомель) — беларуская візуальная мастачка, якая працуе з фатаграфіяй, сучасным мастацтвам, калажам і мак’юментары^[1]. Менеджарка беларускай фатаграфічнай пляцоўкі «FSh1» у Варшаве.

Раннія гады і адукацыя

1981 — нарадзілася ў Гомелі.
1999—2004 — Гомельскі дзяржаўны тэхнічны ўніверсітэт, бакалаўр маркетынгу.
2016 — школа фатаграфіі «FSh1» у Мінску.
2019—2020 — школа сучаснай фатаграфіі DocDocDoc (Санкт-Пецярбург); курс «Эксперыменты сучаснай фатаграфіі».

Творчая дзейнасць

«На разломе часу»

Дэбютны фатаграфічны праект, паказаны ў межах праграмы «Маладая беларуская фатаграфія 2x2» у мемарыяльным музеі-майстэрні Заіра Азгура. Праект даследуе тэмы сям’і, сталення, памяці і міфалогіі. Фатаграфіі стварылі візуальны «часавы разлом» паміж мінулым і сучаснасцю.

Rattus Sapience

Праект узнік з шматгадовай цікавасці мастачкі да пацукоў і яе актывізму^[2]. Ён уключае аналагавыя, лічбавыя і 3D-калажы, скульптуры, а таксама ілюстрацыі паводле ўласных эскізаў. Праект існуе ў некалькіх версіях:

RATS — пачатковая версія, адзначаная журы Blurring the Lines (2020).
Rattus Sapiens — мак’юментары-версія, прадстаўленая на міжнародных выставах.
Rattus Sapience — кніжная версія, выдадзеная TAMAKA (2025), з тэкстамі Таццяны Заміроўскай.

Выставы

2018 — Фестываль школы фатаграфіі FSh1, Мінск
2019 — На разломе часу, выстава «2x2», Мінск
2020 — Rattus sapiens, Нацыянальны цэнтр сучаснага мастацтва, Мінск
2021 — Rattus sapiens, Riga Photomonth, Латвія
2024 — Rattus sapiens, Święto Fotografii, Уроцлаў, Польшча^[3]
2024 — Rattus sapiens, Rise of Culture Festival, Жэшаў, Польшча^[3]
2025 — Rattus sapiens, групавая выстава «Тры шыўкі ад краю», Noc Muzeów, Duży Pokój, Варшава, Польшча^[3]
2025 — Rattus sapiens, Рыбніцкі фотафестываль, Польшча^[3]