Марыя Лук’янаўна Біешу

Марыя Біешу
Марыя Біешу
Асноўная інфармацыя
Імя пры нараджэнні	Марыя Лук’янаўна Біешу
Дата нараджэння	3 жніўня 1935 ці 5 мая 1934
Месца нараджэння	Валінтыр[d], жудзец Чэтаця-Албэ[d], Каралеўства Румынія;
Дата смерці	16 мая 2012
Месца смерці	Кішынёў, Малдова;
Месца пахавання	Цэнтральныя могілкі[d];
Краіна	Румынія>; СССР >; Малдова
Альма-матар	Акадэмія музыкі, тэатра і выяўленчых мастацтваў (1961);
Музычная дзейнасць
Прафесіі	оперная спявачка, музычны педагог, палітык
Гады актыўнасці	з 1958
Пеўчы голас	сапрана
Інструменты	фартэпіяна
Жанры	опера
Калектывы	Малдаўскі тэатр оперы і балета імя А. С. Пушкіна
Грамадская дзейнасць
Партыя	КПСС;
Член у	Акадэмія навук Малдовы;
Прэміі
	Ордэн святой роўнаапостальнай княгіні Вольгі III ступені
	Медыяфайлы на Вікісховішчы

Марыя Лук’янаўна Біе́шу (малд.: Maria Bieşu; 1935—2012) — савецкая малдаўская камерная спявачка, оперная спявачка (лірыка-драматычнае сапрана) і педагог. Народная артыстка СССР (1970). Герой Сацыялістычнай Працы (1990). Лаўрэат Дзяржаўнай прэміі Малдовы (1968) Ленінскай прэміі (1982) і Дзяржаўнай прэміі СССР (1974).

Біяграфія

Нарадзілася 3 жніўня 1935 года у сяле Валінцір (цяпер у Штэфан-Водскім раёне Малдовы).

Скончыла школу ў родным сяле і ў 1951 годзе паступіла на факультэт агралесамеліярацыі сельскагаспадарчага тэхнікума ў горадзе Леова. Спявала ў самадзейнасці. У 1955 годзе была прынята без экзаменаў у Кішынёўскую дзяржаўную кансерваторыю (цяпер Акадэмія музыкі, тэатра і выяўленчых мастацтваў) у клас педагога С. Л. Зарыф’ян, у якой правучылася чатыры гады.

Падчас вучобы, у 1958—1960 гадах выступала з аркестрам народных інструментаў Ансамбля песні і танца «Флуераш».

Скончыла ў 1961 годзе Кішынёўскую кансерваторыю па класе П. А. Батэзат і адразу пасля дзяржаўных экзаменаў атрымала запрашэнне ў Малдаўскі тэатр оперы і балета ў Кішынёве.

Член КПСС з 1979 года. Дэпутат Савета Нацыянальнасцяў Вярхоўнага Савета СССР 7—11-га скліканняў (1966—1989) ад Малдаўскай ССР^[6].

З 1980 года выкладала ў Кішынёўскай кансерваторыі. З 1987 года старшыня Саюза музычных дзеячаў Малдовы. З 1992 года віцэ-прэзідэнт Міжнароднага саюза музычных дзеячаў (Масква).

Марыя Біешу памёрла 16 мая 2012 года ад рэдкай формы лейкеміі ў кішынёўскай бальніцы «Лечсанупр» Дзяржаўнай канцылярыі Рэспублікі Малдова^[7]^[8]^[9]. Пахавана на Цэнтральных (Армянскіх) могілках у Кішынёве.