Маскоўскі Крэмль

Маскоўскі Крэмль
	Славутасць
Маскоўскі Крэмль
	руск.: Московский Кремль
	55°45′06″ пн. ш. 37°37′04″ у. д.HGЯO
Краіна	Расія;
Месцазнаходжанне	Масква (1420—1991); Цвярскі раён[d];
Архітэктар	Арыстоцель Ф’ёраванці, Aloisio da Milano[d], Palace of Facets[d] і Pietro Antonio Solari[d]
Дата заснавання	1420
Статус	Аб’ект культурнай спадчыны РФ № 7710353000№ 7710353000
Сайт	kreml.ru (англ.) (руск.) (кіт.)
	Медыяфайлы на Вікісховішчы

Маскоўскі Крэмль (руск.: Московский Кремль) — найбольш старажытная частка Масквы, галоўны грамадска-палітычны, духоўна-рэлігійны і гісторыка-мастацкі комплекс расійскай сталіцы, месцазнаходжанне Прэзідэнта Расійскай Федэрацыі . Размешчаны на высокім, левым беразе Масквы-ракі — Баравіцкім узгорку, пры ўпадзенні ў яе ракі Нягліннай. У плане Крэмль — няправільны трохвугольнік плошчай 27,5 га. Паўднёвая сцяна звернутая да Масквы-ракі, паўночна-заходняя — да Аляксандраўскага сада, усходняя — да Чырвонай плошчы.

Архітэктура Крамля

Існуючыя сцены і вежы былі пабудаваныя ў 1485—1495 гадах. Агульная працягласць сценаў — 2235 м, вышыня ад 5 да 19 м, таўшчыня — ад 3,5 да 6,5 м. У плане сцены ўтвараюць сабою няправільны трохвугольнік.

Уздоўж сценаў размешчана 20 веж. 3 вежы, якія стаяць у кутах трохвугольніка, маюць круглае сячэнне, астатнія — квадратнае. Самая высокая вежа — Траецкая, яна мае вышыню 80 м.

Большасць веж выканана ў адзіным архітэктурным стылі, прыданым ім у другой палове XVII стагоддзі. З агульнага ансамбля вылучаецца Мікольская вежа, якая ў пачатку XIX стагоддзя была перабудаваная ў гатычным стылі.