Механіка-тэхналагічны факультэт ГДТУ імя П. В. Сухога

Механіка-тэхналагічны факультэт
Гомельскі дзяржаўны тэхнічны ўніверсітэт імя П. В. Сухога
Заснаваны	1980
Дэкан	Ігар Барысавіч Адарчанка
Адрас	Гомель, пр-т Кастрычніка, 48
mtf.gstu.by

Механіка-тэхналагічны факультэт (МТФ ГДТУ імя П. В. Сухога) — адзін з факультэтаў Гомельскага дзяржаўнага тэхнічнага ўніверсітэта.

Факультэт створаны ў 1980 годзе на базе машынабудаўнічага факультэта. Першым дэканам з 1980 па 1981 гады быў прызначаны дацэнт Віктар Рыгоравіч Караткевіч, з сакавіка 1981 года па сакавік 2010 года — дацэнт Уладзімір Паўлавіч Русаў. З сакавіка 2010 года па цяперашні час дэканам факультэта з’яўляецца Ігар Барысавіч Адарчанка.

Навучанне вядзецца ў навучальных аўдыторыях, лабараторыях і на прадпрыемствах, дзе створана 5 філіялаў кафедраў: ААТ «Беларускі металургічны завод — кіруючая кампанія холдынгу „Беларуская металургічная кампанія“», заводы ВА «Гомсельмаш», ААТ «Навукова-тэхнічны цэнтр камбайнабудавання», ААТ «Гомельаблаграсэрвіс», ААТ «ГЛЗ „Цэнтраліт“».

На факультэце працуюць вучэбна-даследчая лабараторыя мадэлявання тэхналагічных працэсаў, сучасны камп’ютарны клас, вучэбна-даследчы і вытворчы ўчастак, абсталяваны перадавым абсталяваннем.

З 2010 года на факультэце вядзецца навучанне замежных студэнтаў.

На факультэце навучаецца больш за 500 студэнтаў па наступных спецыяльнасцях і спецыялізацыях:

• Машыны і тэхналогія апрацоўкі матэрыялаў ціскам
• Тэхнічная эксплуатацыя ліцейнага абсталявання
• Праектаванне і вытворчасць сельскагаспадарчай тэхнікі для раслінаводства
• Арганізацыя і кіраванне ліцейнай вытворчасцю
• Электраметалургія чорных і каляровых металаў
• Апрацоўка металаў ціскам

Факультэт мае ў сваім складзе наступныя кафедры:

• Металургія і тэхналогіі апрацоўкі матэрыялаў
• Сельскагаспадарчыя машыны
• Матэрыялазнаўства ў машынабудаванні

• Віктар Рыгоравіч Караткевіч (1980—1981)
• Уладзімір Паўлавіч Русаў (1981—2010)
• Ігар Барысавіч Адарчанка (з 2010)

• Механіка-тэхналагічны факультэт ГДТУ імя П. В. Сухога на сайце ГДТУ
• Механіка-тэхналагічны факультэт