Музейны комплекс гісторыі і культуры Аршаншчыны

Звесткі ў артыкуле або некаторых яго раздзелах пададзены станам на 2008 год Вы можаце дапамагчы праекту, абнавіўшы іх і пасля прыбраўшы гэты шаблон.

Музейны комплекс гісторыі і культуры Аршаншчыны — музейны комплекс, створаны на падставе рашэння Аршанскага гарвыканкама ад 10.12.1993 г. і Віцебскага аблвыканкама ад 20.04.1994 г. Музейны комплекс з’яўляецца навукова-даследчай і асветніцкай установай культуры, якая выконвае функцыі навуковага, культурна-адукацыйнага, выхаваўчага і метадычнага цэнтра музейнай справы г. Орша і Аршанскага раёна. Асноўнай мэтай комплексу з’яўляецца навуковае камплектаванне, вывучэнне, экспанаванне, захаванне гісторыка-культурнай спадчыны. 3 2007 г. узначальвае яго І. У. Ліпінская.

Асноўны фонд музейнага комплексу і яго філіялаў (2008) налічвае 28 671 адз. захоўвання, навукова-дапаможны — каля 4 тыс. адзінак. Агульная плошча музейных будынкаў 2106 м², экспазіцыйна-выставачная плошча 1123 м², плошча памяшканняў для захоўвання фондаў 220 м².

У склад комплексу на правах філіялаў уваходзяць:

• Аршанскі мемарыяльны музей Канстанціна Сяргеевіча Заслонава
• Аршанскі музей гісторыі і культуры горада
• Аршанскі музей драўлянай скульптуры разьбяра Сямёна Сцяпанавіча Шаўрова
• Аршанскі музей Уладзіміра Караткевіча
• Аршанскі этнаграфічны музей «Млын»

Музейны комплекс валодае багатай калекцыяй каштоўных матэрыялаў, аб’яднаных у 35 калекцый. Гэта рэдкія і цікавыя прадметы і дакументы, якія адлюстроўваюць шматвяковую гісторыю горада, расказваюць пра гераічныя падзеі, знакамітых людзей Аршаншчыны: пісьменнікаў, паэтаў, навукоўцаў, мастакоў, дзяржаўных дзеячаў.

• Ліпінская, І. У. Музейны комплекс гісторыі і культуры Аршаншчыны / І. У. Ліпінская // Музеі Беларусі = Музеи Беларуси / рэд. Г. П. Пашкоў, Л. В. Календа, М. Г. Нікіцін. — Мн., 2008. — С. 435—436.