Міжнародная Букераўская прэмія

Міжнародная Букераўская прэмія англ.: Man Booker International Prize
Тып	літаратурная прэмія[d]
Заснавальнік	Booker Prize Foundation[d][1]
Заснаванне	2005
Узнагарода за	літаратурны твор, перакладзены на англійскую мову і выдадзены ў Вялікабрытаніі
Краіна	Вялікабрытанія
Сайт	thebookerprizes.com/… (англ.)
Медыяфайлы на Вікісховішчы

Міжнародная Букераўская прэмія (англ.: Man Booker International Prize) — міжнародная літаратурная прэмія, створаная ў 2005 годзе як дадатак да Букераўскай прэміі. Прэмія ўручаецца за літаратурны твор, перакладзены на англійскую мову і выдадзены ў Вялікабрытаніі. Памер прэміі — 50 000 фунтаў стэрлінгаў, якія дзеляцца пароўну паміж аўтарам і перакладчыкам кнігі.

Прэмія была заснавана ў 2005 годзе і да 2015 года ўручалася раз у два гады аўтару, які пісаў на любой мове пры наяўнасці англійскага перакладу. Прэмія ўручалася не за твор, а за агульны ўклад аўтара ў міжнародную мастацкую літаратуру. Памер прэміі складаў 60 000 фунтаў стэрлінгаў.^[2]

З 2016 года прэмія ўручаецца за твор, перакладзены на англійскую мову і выдадзены ў Вялікабрытаніі. Памер прэміі — 50 000 фунтаў стэрлінгаў, якія, каб падкрэсліць важнасць перакладу, дзеляцца пароўну паміж аўтарам і перакладчыкам кнігі. На ўдзел маюць права як раманы, так і зборнікі кароткіх апавяданняў. Кожны аўтар і перакладчык, які трапіў у шорт-ліст, атрымлівае 1 000 фунтаў стэрлінгаў.^[3]

• 2005 — Ісмаіль Кадарэ
• 2007 — Чынуа Ачэбэ
• 2009 — Эліс Манро
• 2011 — Філіп Рот
• 2013 — Лідзія Дэвіс
• 2015 — Ласла Краснахаркаі
• 2016 — Хан Ган «Вегетарыянка» (англ.: The Vegetarian), перакладчык Дэбара Сміт
• 2017 — Давід Гросман «Конь уваходзіць у бар» (англ.: A Horse Walks into a Bar), перакладчык Джэсіка Коэн
• 2018 — Вольга Такарчук «Бягуны» (англ.: Flights), перакладчык Джэніфер Крофт
• 2019 — Джоха Аль-Харты «Нябесныя целы» (англ.: Celestial Bodies), перакладчык Мэрылін Бут
• 2020 — Лукас Рэйневелд «Няёмкі вечар» (англ.: The Discomfort of Evening), перакладчык Мішэль Хатчысан
• 2021 — Давід Дыоп «Уначы ўся кроў — чорная» (фр.: Frère d'âme), перакладчык Ганна Маскавакіс.
• 2022 — Гітанджалі Шры «Магіла з пяску» (хіндзі: रेत समाधि), перакладчык Дэйзі Роквел
• 2023 — Георгій Гаспадзінаў «Часасховішча» (англ.: Time Shelter), перакладчык Анджэла Родэль
• 2024 — Джэні Эрпенбек «Кайрас» (англ.: Kairos), перакладчык Міхаэль Хофман