Мікалай Мікалаевіч Бекман

Мікалай Мікалаевіч Бекман
Мікалай Мікалаевіч Бекман
маршалак шляхты Клімавіцкага павета
	1911 — 1916
Нараджэнне	1865
Смерць	1924
Жонка	Алена Сямёнаўна з Бонч-Асмалоўскіх[d]
Адукацыя	Імператарскі Царскасельскі ліцэй[d]; Пятроўская сельскагаспадарчая акадэмія[d];

Мікалай Мікалаевіч Бекман (руск.: Николай Николаевич Бекман; 1865 — 1924) — дзяржаўны службовец, землеўласнік.

Біяграфія

Паходзіў абруселага роду шведскага паходжання. Нарадзіўся ў сям’і барона Мікалая Мікалаевіча Бекмана (1842—1897), памешчыка Палтаўскай губерні, Ганны Іванаўны Крамаравай (1845—1919). Меў сястру Кацярыну (у шлюбе Ляпнінская; 1846—1930)^[1].

Скончыў Царскасельскі ліцэй у Пецярбургу і Пятроўска-разумоўскую сельскагаспадарчую акадэмію ў Маскве^[1].

Памешчык, валодаў вёскай Янаўка Клімавіцкага павета. Ляснічы ва ўгоддзях князёў Мяшчэрскіх^[1]. Апошні клімавіцкі павятовы маршалак у 1911—1916 гадах^[2]. Пасля Кастрычніцкай рэвалюцыі працаваў аграномам у Рослаўлі^[1].

Сям’я

У першым шлюбе з графіняй Аленай Сямёнаўнай з Бонч-Асмалоўскіх (1863—1908), дачкой Сямёна Сямёнавіча Бонч-Асмалоўскага (1832—1905) і Юліі Іванаўны з Бонч-Бруевічаў. Дзеці^[1]:

Мікалай (1890—1984),
Георгій (1902—1907),
Сяргей (1895—1938). Ягоны ўнук савецкі і расійскі ўльтракансерватыўны палітычны дзеяч Сяргей Эрвандавіч Кургінян.
Марыя (1892—1928),
Вольга (па мужу Федаровіч) (1898—1945).

У другім шлюбе з баранесай Марыя Мікалаеўна^[3] з Мяшчэрскіх (у першым шлюбе фон Брынкен^[ru])^[1]. Да рэвалюцыі сям’я жыла ва ўласным асабняку ў Клімавічах, пазней сям’ю перасялілі ў невялікі ўбогі домік на ўскраіне горада^[3].

Зноскі

↑ ^а ^б ^в ^г ^д ^е Бекман Николай Николаевич
↑ Бойко Дм. А. Предводители Дворянства всех наместничеств, губерний, областей, уездов и округов Российской Империи. 1767–1917 гг. — Запорожье, 2022. — 3316(2) с.: ил., XXXVI л. ил.
↑ ^а ^б В КЛИМОВИЧАХ СОХРАНИЛСЯ ОСОБНЯК ИМЕНИТОГО РОДА МЕЩЕРСКИХ (нявызн.)(недаступная спасылка). Архівавана з першакрыніцы 10 снежня 2022. Праверана 10 снежня 2022.