Міраслаўка

Вёска Міраслаўка Краіна Беларусь Вобласць Мінская Раён Бярэзінскі Сельсавет Капланецкі Каардынаты 53°38′59″ пн. ш. 28°57′15″ у. д.HGЯO Насельніцтва ▼33 чал. (2009) Часавы пояс UTC+3 Тэлефонны код +375 1715 Паштовыя індэксы 223328 Аўтамабільны код 5 Міраслаўка на карце Беларусі ±

Мірасла́ўка^[1] (трансліт.: Miraslaŭka, руск.: Мирославка) — вёска ў Бярэзінскім раёне Мінскай вобласці. Уваходзіць у склад Капланецкага сельсавета.

Да 21 снежня 2007 года вёска ўваходзіла ў склад Брадзецкага сельсавета^[2]. З 2007 па 2013 год у складзе Сялібскага сельсавета^[3].

Знаходзіцца за 32 км на поўдзень ад горада Беразіно, за 140 км ад Мінска. На западзе мяжуе з лесам, цяче рака Бярэзіна (прыток Дняпра).

Бліжэйшая вёска — Чырвоны Араты, за 1,4 км на паўдневы ўсход ад цэнтра Міраслаўкі.

За 28 км ад чыгуначнага прыпыначнага пункта Тачанка на лініі Асіповічы — Градзянка.

Транспартныя сувязі па мясцовай дарозе праз вёскі Брадзец і Капланцы і далей па шашы Мінск — Магілёў.

Планіровачна складаецца з 2 працяглых паралельных вуліц, арыентаваных з паўднёвага захаду на паўночны ўсход і забудаваных двухбакова, шчыльна, драўлянымі дамамі сядзібнага тыпу.

Сучасная вёска вядома з XVIII стагоддзя. Але на паўднёвай ускраіне, на пясчанай пойме высокага левага берага Бярэзіны размешчаны курганны могільнік, за 1,5 км на поўнач ад вёскі — другі могільнік, за 1 км на паўночны захад ад вёскі — паселішча, дзе знойдзены крамянёвыя прылады працы эпохі мезаліту, неаліту і бронзавага веку. Гэта сведчыць аб зясяленні тутэйшых мясцін у глыбокай старажытнасці.

У 1800 годзе ўласнасць памешчыка М. Шэмета, у Ігуменскім павеце Мінскай губерні. На 1890 год уласнасць памешчыка Лукашевіча. У гэты ж год адкрыта школа граматы, у якой у першы год навучалася 11 хлопчыкаў. У 1912 годзе школа пераўтвараецца ў аднакласнае народнае вучылішча. Паводле перапісу 1897 года ў вёсцы зарэгістраваны вятрак з млынам, хлебазапасны магазін.

У 1921 годзе арганізаваны гурток па ліквідаціі непісьменнасці, у 1928 годзе — сельскагаспадарчая камуна «Уперад», у 1931 годзе — калгас «Запаветы Леніна». На франтах Вялікай Айчынай вайны загінулі 50 вяскоўцаў. У баях каля вёскі ў 1941 годзе загінулі 9 савецкіх воінаў, якія пахаваны ў брацкай магіле за 0,5 км на захад ад вёскі.

На 1980 год у складзе калгаса «Бярэзіна» (цэнтр — вёска Брадзец). Клуб, бібліятэка, магазін, спартыўная пляцоўка, фермы буйной рагатай жывёлы і свінагадоўчая.

• 2008 — 35 гаспадарак, 50 жыхароў

• 1800 год — 11 двароў, 126 жыхароў
• 1858 год — 145 жыхароў
• 1897 год — 61 двор, 377 жыхароў
• 1917 год — 89 гаспадарак, 527 жыхароў
• 1960 год — 383 жыхары
• 2003 год — 17 гаспадарак, 22 жыхары

• Мікалай Іванавіч Запрудскі (нар. 1948) — беларускі педагог, галоўны рэдактар навукова-метадычнага часопісу «Фізіка: праблемы выкладання».
• Аляксей Трафімавіч Каўко (1922—2012) — беларускі пісьменнік.
• Мікалай Трафімавіч Каўко (нар. 1933) — беларускі партыйны і дзяржаўны дзеяч.

• На Вікісховішчы пакуль няма медыяфайлаў па тэме, але Вы можаце загрузіць іх