Міхаіл Віктаравіч Бараноўскі

Міхаіл Бараноўскі
Міхаіл Бараноўскі
Агульная інфармацыя
Поўнае імя	Міхаіл Віктаравіч Бараноўскі
Нарадзіўся	4 студзеня 1983 (42 гады); Мазыр, Гомельская вобласць, БССР, СССР;
Грамадзянства	Беларусь; Расія
Рост	185 см
Вага	70 кг
Пазіцыя	брамнік
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 студзеня 2022. ;
	Медыяфайлы на Вікісховішчы

Міхаіл Бараноўскі (нар. 4 студзеня 1983, Мазыр, БССР) — беларускі і расійскі футбаліст, брамнік.

Клубная кар’ера

Выхаванец мазырскага футбола, пачынаў кар’еру ў «Мазыры» — фарм-клубе мясцовай «Славіі». У 2001 годзе перабраўся ў Расію, выступаў за рэзервовую каманду «Хімкаў», «Лада-САК» з Дзімітраўграда. З 2004 года стаў іграком калінінградскай «Балтыкі-Тарко», пасля яе расфарміравання ў пачатку 2005 года перабраўся ў «Балтыку», якой дапамог перамагчы ў трэцім дывізіёне. Пазней працягваў гуляць у аснове ў другім расійскім дывізіёне, у 2007 годзе на правах арэнды гуляў за салігорскі «Шахцёр», у складзе якога выступаў у Кубку Інтэртота.

З 2010 года быў асноўным брамнікам сочынскай «Жамчужыны» і бранскага «Дынама» ў другім дывізіёне, у другой палове 2012 года быў рэзервовым брамнікам валгаградскага «Ротара». У 2013—2014 гадах гуляў за «Уфу», дапамог ёй выйсці ў Прэм’ер-лігу, аднак сам пакінуў каманду. У другой палове 2014 года гуляў у ПФЛ за «Калугу».

У лютым 2015 года пасля прагляду стаў іграком саратаўскага «Сокала»^[3]. У ліпені таго ж года вярнуўся ў «Балтыку»^[4]. У чэрвені 2017 года па заканчэнні кантракта пакінуў калінінградскі клуб^[5], пасля чаго яшчэ доўгі час аднаўляўлся ад траўмы.

У ліпені 2018 года стаў іграком мазырскай «Славіі»^[6], дзе неўзабаве замацаваўся ў складзе і дапамог камандзе вярнуцца ў Вышэйшую лігу. У сезоне 2019 чаргаваўся ў браме з Радзівонам Сямукам, а ў 2020—2021 гадах быў асноўным брамнікам мазырскай каманды. У студзені 2022 года абвясціў аб завяршэнні кар’еры^[7].

У лютым 2022 года стаў трэнерам брамнікаў у акадэміі калінінградскай «Балтыкі»^[8]. У снежні 2022 года атрымаў ліцэнзію УЕФА для трэнераў брамнікаў катэгорыі B^[9].