Міхаіл Ціханавіч Казлоўскі

Міхаіл Ціханавіч Казлоўскі
Дата нараджэння	9 лютага 1903(1903-02-09)[1]
Месца нараджэння	Маляцічы, Чэрыкаўскі павет, Магілёўская губерня, Расійская імперыя[1]
Дата смерці	13 студзеня 1972(1972-01-13)[1] (68 гадоў)
Месца смерці	Алматы, Алмацінская вобласць, Казахская ССР, СССР[2]
Грамадзянства	Расійская імперыя  СССР
Род дзейнасці	хімік
Навуковая сфера	хімія[1][3][…], аналітычная хімія[4] і Амальгама[4]
Месца працы	Казахскі нацыянальны ўніверсітэт імя аль-Фарабі[3]
Навуковае званне	акадэмік Акадэміі навук Казахскай ССР[d]
Альма-матар	Адэскі вышэйшы хіміка-тэхналагічны інстытут
Узнагароды

Міхаіл Ціханавіч Казло́ўскі^[5] (9 лютага 1903(1903-02-09)^[1], Маляцічы, Магілёўская губерня^[1] — 13 студзеня 1972(1972-01-13)^[1], Алматы^[2]) — вучоны-хімік, акадэмік Акадэміі навук Казахскай ССР (1962, член-карэспандэнт з 1953).

Нарадзіўся 9 лютага 1903 года ў вёсцы Маляцічы Чэрыкаўскага павета Магілёўскай губерні (сучасны аграгарадок у Крычаўскім раёне Магілёўскай вобласці Беларусі).

У 1926 годзе скончыў Адэскі вышэйшы хіміка-тэхналагічны інстытут і працаваў у Інстытуце навукова-судовай экспертызы ў Адэсе^[5]. З 1939 года — у Казахскім універсітэце.

Памёр 13 студзеня 1972 года ў Алмаце.

М. Ц. Казлоўскаму належаць навуковыя працы па аналітычнай хіміі, атрыманні і вывучэнні амальгам, па распрацоўцы электрахімічных метадаў аналізу, тэорыі працэсу цэментацыі металамі і амальгамамі, узаемадзеяння металаў у ртутнай фазе. Займаўся таксама даследаваннямі дэзынтэграцыі металічных катодаў і ўтварэння тонкадысперсных парашкоў з узнікненнем адмоўных іонаў металаў^[5].

Сярод апублікаванага:

• Избр. труды. Т. 1—2. — Алма-Ата, 1974.

• Казлоўскі Міхаіл Ціханавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 433.