Наталля Юр’еўна Бярозкіна

Наталля Юр’еўна Бярозкіна
Дата нараджэння	1955
Месца нараджэння	Ветка, Веткаўскі раён, Гомельская вобласць, БССР, СССР
Грамадзянства	Беларусь
Род дзейнасці	кнігазнавец
Месца працы	Цэнтральная навуковая бібліятэка імя Я. Коласа НАН Беларусі Беларускі дзяржаўны ўніверсітэт культуры і мастацтваў
Навуковая ступень	кандыдат гістарычных навук (1990)
Навуковае званне	дацэнт
Альма-матар	Мінскі інстытут культуры (1981)
Узнагароды	Нагрудны знак «За ўклад у развіццё культуры Беларусі» (2005)

Наталля Юр’еўна Бярозкіна (нар. 1955, г. Ветка, Гомельская вобласць) — беларуская кнігазнаўца. Спецыяліст па гісторыі кніжнай культуры і бібліятэчнай справы Беларусі. Кандыдат гістарычных навук (1990), дацэнт. Заслужаны дзеяч культуры Беларусі (2010)^[1].

Нарадзілася ў 1955 годзе ў горадзе Ветка Гомельскай вобласці. Скончыла ў 1981 годзе Мінскі інстытут культуры па спецыяльнасці «бібліятэказнаўства і бібліяграфія»^[1].

У 1981—2013 гадах працавала ў Цэнтральнай навуковай бібліятэцы імя Я. Коласа НАН Беларусі: вучоны сакратар, загадчыца навукова-метадычнага аддзела, намесніца дырэктара па навуковай рабоце, з 1998 года дырэктарка. З 2013 года працуе ў Беларускім дзяржаўным інстытуце культуры і мастацтваў загадчыцай кафедры культуралогіі і псіхолага-педагагічных дысцыплін, дацэнт гэтай кафедры^[1].

Даследуе гісторыю кнігі, менеджмент інфармацыйна-бібліятэчнай дзейнасці, інфармацыйныя тэхналогіі бібліятэк, бібліяметрыю^[1].

Заслужаны дзеяч культуры Беларусі (2010). Узнагароджана ордэнам Пашаны (2002), нагрудным знакам Міністэрства культуры «За ўклад у развіццё культуры Беларусі» (2005), дыпломам лаўрэата «За ўклад у комплекснае вывучэнне гісторыі кнігі і кніжнай культуры Беларусі» конкурса на суісканне Міжнароднай прэміі імя Д. С. Ліхачова Міжнароднай асацыяцыі акадэмій навук^[1].

• Библиотеки и распространение научных знаний в Беларуси: XVI—XX вв. Минск, 2011; 2013.
• Информационно-библиотечное обеспечение науки Беларуси: история и современное состояние. Минск, 2003.
• Гісторыя кнігадрукавання Беларусі (XVI — пачатак XX ст.): вучэбны дапаможнік. Мінск, 1998; 2000.
• Роль печати в распространении научных знаний в Белоруссии, 1861—1917 гг. Минск, 1990.

• БЯРОЗКІНА Наталля Юр’еўна // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.