Някрасаўская лінія

Някрасаўская лінія
Някрасаўская лінія
	Маскоўскі метрапалітэн
Адкрыццё першага ўчастку:	3 чэрвеня 2019
Даўжыня, км:	19,6
Колькасць станцый:	8
Максімальная колькасць вагонаў у складзе цягніка:	8
Колькасць вагонаў у саставе цягніка:	8
Інтэрвал руху ў час «пік»:	4
Наземныя ўчасткі:	няма

Някрасаўская лінія (руск.: Некрасовская линия) — пятнаццатая лінія Маскоўскага метрапалітэна.

Лінія злучае цэнтр горада з раёнамі Разанскі, Кузьмінкі, Выхіна-Жулебіна, Косіна-Ухтомскі і заканчвацца ў Люберэцкіх Палях.

Станцыі

Някрасаўка (рус. Некрасовка)
Лухманаўская (рус. Лухмановская)
Вуліца Дзмітрыеўскага (рус. Улица Дмитриевского)
Касіно (рус. Косино)
Паўднёва-Усходняя (рус. Юго-Восточная)
Окская (рус. Окская)
Стаханаўская (рус. Стахановская)
Ніжагародская (рус. Нижегородская)
Авіяматорная (рус. Авиамоторная)
Лефортава (рус. Лефортово)
Электразаводская (рус. Электрозаводская)

Гісторыя

Лінія размешчана ва Усходняй і Паўднёва-Усходняй адміністрацыйных акругах Масквы. Першапачатковы планаваны тэрмін заканчэння будаўнічых работ — 2016 год.

16 сакавіка 2012 года ў якасці меры патаннення метро было прапанавана будаваць лінію з працоўнай назвай «Кажухаўская» дробным закладаннем, змяніўшы ранейшую трасіроўку. Лінія была перанесена з Валгаградскага на Разанскі праспект. Гэта павінна было дапамагчы сэканоміць каля 40 млрд рублёў. У Маскве на Люблінска-Дзмітраўскай лініі ўжо была станцыя «Кажухаўская», таму, каб пазбегнуць тапаграфічнай блытаніны, пасля «народнага галасавання» лінію было вырашана назваць Някрасаўскай.

13 верасня 2012 года Горадабудаўніча-зямельная камісія Масквы ўхваліла праект планіроўкі ўчастка будучай лініі ад станцыі «вуліца Ніжагародская» да станцыі «Някрасаўка». Згодна з праектам планіроўкі, лінія пройдзе па тэрыторыях раёнаў), Разанскі, Выхіна-Жулебіна і Някрасаўка Паўднёва-Усходняй адміністрацыйнай акругі Масквы, а таксама па тэрыторыі раена Косіна-Ухтомскі Усходняга акругі. Ад Ніжагародскай вуліцы траса пройдзе ўздоўж лініі Разанскага праспекта, Ферганскай вуліцы, далей пад кварталамі жылога раёна Выхіна-Жулебіна, затым перасячэ Разанскае кірунак МЖД і ўздоўж праектаванай магістралі Масква — Ніжні Ноўгарад — Казань і Пакроўскай вуліцы прыйдзе ў цэнтр раёна Някрасаўка.

Пры будаўніцтве Някрасаўскай лініі і новых тунэляў Трэцяга перасадачнага контуру, магчыма, будзе выкарыстаны вопыт іспанскіх метрабудаўнікоў, якія прапануюць будаваць адзін тунэль дыяметрам дзесяць метраў для руху цягнікоў у двух розных напрамках. Такі спосаб дазваляе знізіць кошт будаўніцтва на 30 %. Па словах намесніка мэра Масквы па горадабудаўнічай палітыкі і будаўніцтва Марата Хуснуліна, такое рашэнне дазволіць сэканоміць каля 80 мільярдаў рублеў. Аб’екты Някрасаўскай лініі праектаваў ААТ «Масінжпраект». Фактычнае будаўніцтва лініі пачалося 26 лютага 2013 года, калі ў падмурак сцяны ў грунце будучай станцыі «Някрасаўка» была забітая першая паля.

15 лютага 2014 года М. Ш. Хуснулін абвясціў аб тым, што вясной 2014 года пачнецца пракладка тунэляў ў бок станцыі «Някрасаўка», прычым адразу двума танэлебурыльнымі шчытамі. Ён сказаў, што перагон «Някрасаўка» — «Касіно» будзе гатовы раней 2016 года, але пакуль не вырашана, ці будзе ён уведзены ў дзеянне раней, чым уся лінія. Электрадэпо Някрасаўскай лініі метрапалітэна будзе размешчана ў прамзоне «Руднева»^[1].

Першы ўчастак лініі ад станцыі «Някрасаўка» да станцыі «Авіяматорная» адкрыўся 3 чэрвеня 2019 года^[2]. На схемах лінія пазначана ружовым колерам і нумарам 15.

20 лютага 2023 года ўчастак Някрасаўскай лініі ад «Электразаводскай» да «Ніжагародскай» перайшоў у склад Вялікай кальцавой лініі^[3].