Нінся-Хуэйскі аўтаномны раён

Нінся-Хуэйскі аўтаномны раён
Краіна	Кітай[1]
Уваходзіць у	Кітай
Адміністрацыйны цэнтр	Іньчуань
Дата ўтварэння	25 кастрычніка 1958
Кіраўнік	Zhang Yupu[d]
Насельніцтва	▲7 202 654 чал. (2020)[2]
Плошча	52 188 км²
Часавы пояс	UTC+8
Код ISO 3166-2	CN-NX
Афіцыйны сайт
Медыяфайлы на Вікісховішчы

Нінся́-Хуэ́йскі аўтано́мны раён — аўтаномная вобласць на поўначы Кітая, па берагах сярэдняга цячэння ракі Хуанхэ.

Плошча 66,4 тыс. км². Насельніцтва больш за 5 млн чал. (1998), пераважна кітайцы (каля 70 %), хуэй, або дунгане (каля 25 %). Адміністрацыйны цэнтр — горад Іньчуань.

Тэрыторыя раёна занята глыбока парэзаным пласкагор'ем вышынёю ад 1000 да 2570 м. Клімат кантынентальны, тэмпература паветра каля −10 °C у студзені, каля 20—25 °C у ліпені. Ападкаў 400—500 мм за год.

Пераважае арашальнае земляробства (даліна ракі Хуанхэ). Вырошчваюць рыс, пшаніцу, проса, гаалян, кукурузу, лён, цукровыя буракі. У стэпах і паўпустынях авечкагадоўля.

Вядзецца здабыча каменнага вугалю, жалезнай руды, фасфарытаў, нафты.

Чорная металургія; тэкстыльная, харчовая, машынабудаўнічая, радыётэхнічная, электронная, мукамольная прамысловасць. Працуюць — ГЭС Цынтунся (на рацэ Хуанхэ), ЦЭС.

Транспарт чыгуначны і аўтамабільны. Суднаходства па рацэ Хуанхэ.

• Нінся-Хуэйскі аўтаномны раён // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. С. 349.

• На Вікісховішчы ёсць медыяфайлы па тэме Нінся-Хуэйскі аўтаномны раён