Партызанская брыгада імя М. В. Фрунзэ

Партызанская брыгада імя М. В. Фрунзэ
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Вілейскае партызанскае злучэнне
Тып	партызаны
Функцыя	змаганне з акупантамі
Дыслакацыя	Радашковіцкі, Ільянскі, Лагойскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	М. М. Багатыроў; А. М. Захараў (загінуў); Э. Л. Смаленскі

Партызанская брыгада імя М. В. Фрунзэ — партызанская брыгада, створаная ў студзені 1943 года на базе атрадаў «За Радзіму» (арганізаваны ў ліпені 1942 года), імя Варашылава (арганізаваны ў жніўні 1942), «Камсамолец» (арганізаваны ў верасні 1942). Дзейнічала на акупіраванай тэрыторыі Радашковіцкага, Ільянскага і Лагойскага раёнаў. 1 ліпеня 1944 года брыгада (844 партызаны, 4 атрады) злучылася з Чырвонай Арміяй.

• атрад «За Радзіму»;
• атрад імя Варашылава;
• атрад «Камсамолец» (у маі 1943 года быў перададзены разведгрупе капітана М. М. Багатырова);
• атрад «За Савецкую Беларусь»;
• атрад «Чырвоны сцяг».

• М. М. Багатыроў;
• А.М. Захараў (загінуў);
• Э. Л. Смаленскі.

• І. І. Міроненка;
• П. М. Шалкоўскі;
• М. В. Чарапанаў.

• А. Д. Коўбій.

Партызаны ўдзельнчалі ў «рэйкавай вайне», нападалі на нямецкія гарнізоны ў вёсках Раманаўка, Паперня, Хаценчыцы (Хаценчыцкі бой), Ілья, Раёўка, Вязынь. У студзені 1944 года падарвалі электрастанцыю ў Маладзечне, 7 разоў пераразалі падземны кабель, які звязваў нямецкі фронт з Берлінам. Вялі баі з карнікамі па прарыву блакады і выхаду з акружэння. У канцы чэрвеня 1944 года партызаны вызвалілі вёскі Ілья, Раёўка, Вязынь і ўтрымлівалі іх да падыходу Чырвонай Арміі.

У 1965 годзе ў вёсцы Навасёлкі Вілейскага раёна і ў 1975 годзе ў вёсцы Раёўка Маладзечанскага раёна ў гонар брыгады пастаўлены помнікі.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.