Героі фільма — маладыя настаўнікі, якія дзеля эксперыменту выпраўляюцца выкладаць у звычайную сельскую школу. Дакументальная стужка, знятая па матывах праекта «EDU.topia», апавядае аб працы людзей, якія сталі сябрамі, настаўнікамі і натхняючымі аднадумцамі.
Журналіст газеты «Культура» Антон Сідарэнка адзначыў, што ў сучаснай «Педагагічнай паэме» ёсць сапраўдная вобразная паэзія, якая выдатна рыфмуецца з сённяшнім днём: «паэзія будняў і святаў несталічнай, але такой блізкай усёй нашай кінематаграфічнай і літаратурнай традыцыі рэчаіснасці». Кінакрытык адзначае, што гледзячы на герояў фільма Віктара Аслюка, у галаву прыходзіць параўнанне з героямі хрэстаматыйнай трылогіі Якуба Коласа «На ростанях»: як і ў творы класіка беларускай літаратуры, маладыя беларускія настаўнікі знаходзяцца адначасова і ў прыпаднята-захопленым, і ў трывожным стане; так і мае аказацца на світанні жыцця і кар’еры.[1]
Зноскі
↑Сідарэнка, Антон. Паэма на ростанях(нявызн.). Культура (13 лютага 2016). Архівавана з першакрыніцы 28 красавіка 2024. Праверана 27 лютага 2025.
