Плотніца (гміна)

Гміна Плотніца
Краіна	Польшча
Уваходзіць у	Пінскі павет (1919—1920) Лунінецкі павет (1920—1922) Столінскі павет (1923—1939)
Адміністрацыйны цэнтр	Плотніца
Дата ўтварэння	1919
Дата скасавання	1939
Насельніцтва (1921)	11 557

Гміна Плотніца (польск.: Gmina Płotnica) — вясковая гміна ў міжваеннай Польшчы, якая ўваходзіла ў склад Столінскага павета Палескага ваяводства. Сядзіба была размешчана ў Плотніцы.

Першапачаткова гміна створана ў складзе Пінскага павета. 7 лістапада 1920 года гміна была далучана да створанага Лунінецкага павета, які быў пад уладай Упраўлення прыфрантавых і этапных тэрыторый^[1]. 19 лютага 1921 года разам з усім Лунінецкім паветам увайшла ў Палескае ваяводства. З 1 студзеня 1923 года гміна ўвайшла ў склад новастворанага Столінскага павета^[2]. 18 красавіка 1928 года да гміны далучана частка тэрыторыі гміны Радчыцк, а частка тэрыторыі самой гміны была далучана да гмін Столін і Хорск^[3].

Згодна з першым перапісам насельніцтва Польшчы, які прайшоў 30 верасня 1921 года, у гміне налічвалася 32 населеныя пункты.