Помнік Сымону Буднаму (Нясвіж)

Помнік
Помнік Сымону Буднаму
53°13′13″ пн. ш. 26°40′59″ у. д.HGЯO
Краіна	Беларусь
Горад	Нясвіж
Скульптар	С. Гарбунова
Архітэктар	Ю. Казакоў
Дата заснавання	1982
Дата пабудовы	1982 год
Статус	Гісторыка-культурная каштоўнасць Беларусі, шыфр 612Ж000473шыфр 612Ж000473
Вышыня	3,50
Матэрыял	бронза, граніт
Глобус Беларусі	globustut.by/nesvizh/ind…
Медыяфайлы на Вікісховішчы

Помнік Сымону Буднаму — помнік выдатнаму дзеячу эпохі Адраджэння Сымону Буднаму ў Нясвіжы. Устаноўлены ў 1982 г. перад будынкам былой плябаніі. Аўтары помніка — скульптар С. Гарбунова, архітэктар Ю. Казакоў.

У Нясвіжы Сымон Будны разам з Мацеем Кавячынскім і Лаўрэнціем Крышкоўскім заснаваў друкарню. Тут у 1562 г. выдаў першую на тэрыторыі Беларусі кнігу «Катэхізіс» на беларускай мове, затым «Пра апраўданне грэшнага чалавека перад богам» і інш.

Бронзавая фігура Сымона Буднага вышынёй 2,85 м велічна ўзвышаецца на гранітным пастаменце вышынёй 0,65 м. Ва ўзнятай руцэ кніга з эмблемай сонца — сімвалам святла і ведаў. Фігура вылеплена буйнымі аб’ёмамі. Спакойная пластыка паставы, падкрэсленая рытмам складак адзення, надае статуі манументальнасць, стварае вобраз вялікай духоўнай сілы.

• Л. Г. Лапцэвіч. 2086. Помнік Буднаму // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1987. — Мінская вобласць. Кніга 2. — 308 с.: іл.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 612Ж000473

• Помнік Сымону Буднаму (Нясвіж) на сайце Глобус Беларусі (руск.)
• Помнік Сымону Буднаму (Нясвіж) на сайце «Архіварта»