Праксіцель

Праксіцель
Праксіцель
	стар.-грэч.: Πραξιτέλης
Дата нараджэння	каля 395 да н.э.
Месца нараджэння	Афіны, Старажытныя Афіны;
Дата смерці	каля 330 да н.э.
Грамадзянства	Старажытныя Афіны;
Бацька	мерк. Кефісадот Старэйшы
Дзеці	Кефісадот Малодшы і Тымарх[d]
Род дзейнасці	скульптар
	Медыяфайлы на Вікісховішчы

Праксі́цель (стар.-грэч.: Πραξιτέλης) — старажытнагрэчаскі скульптар IV стагоддзя да н. э. Меркаваны аўтар знакамітых кампазіцый «Гермес з дзіцем Дыянісам» і «Апалон, які забівае яшчарку». Большасць работ Праксіцеля вядома па рымскім копіях або па апісаннях антычных аўтараў. Скульптуры Праксіцель размалёўваў афінскі мастак Нікій.

Лічыцца, што Праксіцель, сын афінскага скульптара Кефісадота, нарадзіўся ў Афінах каля 390 г. да н. э. Да часу Аляксандра Македонскага, відаць, скульптара ўжо не было ў жывых.

Праксіцель — першы скульптар, які максімальна рэалістычна адлюстраваў аголеную жанчыну: скульптура Афрадыта Кнідская, дзе аголеная багіня прытрымлівае рукой адзенне, якое звалілася. Пасля вельмі многія скульптары адлюстроўвалі багіню ў падобнай позе. Афрадыта Праксіцеля стала так папулярна, што дала пачатак асаблівага тыпу ў жаночай скульптуры: тыпу Афрадыты Кнідскай (да гэтага тыпу належыць, напрыклад, Венера Мілоская).

У гонар Праксіцеля названы кратар на Меркурыі.