Пшэрасль

Вёска Пшэрасль польск.: Przerośl Агульны выгляд Краіна  Польшча Ваяводства Падляскае Павет Сувальскі Гміна Пшэрасль Каардынаты 54°15′07″ пн. ш. 22°39′22″ у. д.HGЯO Насельніцтва 829 чалавек (2008) Часавы пояс UTC+1, летам UTC+2 Паштовыя індэксы 16-427 Аўтамабільны код BSU Пшэрасль на карце Польшчы ±

Медыяфайлы на Вікісховішчы

Пшэрасль^[1] (польск.: Przerośl) — вёска ў Польшчы, за 27 км на паўночны захад ад Сувалкаў, за 131 км на поўнач ад Беластока, на беразе Касцельнага возера. Уваходзіць у склад Сувальскага павета Падляскага ваяводства, сядзіба вясковай гміны Пшэрасль.

Апроч формы Пераросля^[2], якая найбольш адпавядае беларускай мове (паводле Супрасля, Радамля, Відамля і інш.), сустракаюцца таксама варыянты Пераросль^[3] і Прэросль^[4]. У Геаграфічным слоўніку Каралеўства Польскага і іншых славянскіх краёў зазначаецца, што гістарычная польская назва мястэчка — Przerośla^[5].

21 лістапада 1566 года кароль і вялікі князь Жыгімонт Аўгуст надаў Перарослі магдэбургскае права і герб: у срэбным полі чырвоны леў за кратамі^[4]. У гэты час горад уваходзіў у склад Гарадзенскага павета Троцкага ваяводства, быў цэнтрам нягродавага староства. У 1571 годзе тут была заснавана каталіцкая парафія.

У першай палове XVII стагоддзя Пераросля стала адным з найбольшых гарадоў на паўночным захадзе Гарадзенскага павета. У 1709—1710 гадах шмат гараджан памерла ў час мору, што разам з змяненнем гандлёвых шляхоў прывяло да заняпаду паселішча.

У выніку трэцяга падзелу Рэчы Паспалітай у 1795 годзе Пераросля апынулася ў складзе Прусіі, у 1807 годзе згодна з Тыльзіцкім мірным дагаворам — у складзе Расійскай імперыі, у Сейненскім павеце Аўгустоўскай губерні. На 1799 год у горадзе было 246 будынкаў, на 1827 год — 218.

У 1870 годзе Пераросля была пазбаўлена статуса горада.

Згодна з Рыжскім мірным дагаворам 1921 года Пшэрасль апынулася ў складзе міжваеннай Польскай Рэспублікі.

У часы Другой сусветнай вайны з верасня 1939 да 1945 года Пшэрасль знаходзілася пад акупацыяй Трэцяга Рэйха. У 1975—1998 гадах вёска ўваходзіла ў склад Сувальскага ваяводства.

• XVIII стагоддзе: 1799 год — 1310 чал.
• XIX стагоддзе: 1827 год — 1645 чал.^[5]
• XXI стагоддзе: 2008 год — 829 чал.

• Званіца касцёла (XIX ст.)
• Могілкі: каталіцкія, пратэстанцкія, іўдзейскія

• Краявіды Пшэраслі
• 
  Касцёл
• 
  Званіца
• 
  Гімназія
• 
  Рынак

• Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.
• Słownik geograficzny Królestwa Polskiego i innych krajów słowiańskich. Tom IX: Poźajście — Ruksze (польск.). — Warszawa, 1888.

• На Вікісховішчы ёсць медыяфайлы па тэме Пшэрасль