Пячэрск (Хіславіцкі раён)

Пячэрск
Краіна	Расія
Суб’ект федэрацыі	Смаленская вобласць
Муніцыпальны раён	Хіславіцкі раён
Каардынаты	54°09′05″ пн. ш. 32°15′33″ у. д.HGЯO
Насельніцтва	19 чал. (2007);
Тэлефонны код	48140
Паштовыя індэксы	216643
Код АКАТП	66252855012

Пячэрск^[1] (руск.: Печерск) — вёска ў Хіславіцкім раёне Смаленскай вобласці Расіі. Уваходзіць у склад Пячэрскага сельскага паселішча. Насельніцтва — 19 жыхароў (2007 год).

Гісторыя

У XVIII ст. мястэчка ў Мсціслаўскім ваяводстве Вялікага Княства Літоўскага. Вядома, што ў 1719 годзе з Пячэрска выплочвалася чопавага на 30 злотых. У 1724 мястэчкам валодаў мсціслаўскі гродскі суддзя Міхал Чудоўскі. Інвентар 1739 года адзначае ў Пячэрску 15 хрысціянскіх, 12 яўрэйскіх, 2 царкоўных і 15 пустых пляцаў. Мястэчка было нязначнае, таму ў іншым дакуменце 1739 года названа «вессю Пячэрскам пад дваром Хамініцкім».

Пасля першага падзелу Рэчы Паспалітай (1772) у складзе Расійскай імперыі. У 1783—85 Пячэрск фігуруе сярод вёсак. У ім было 67 дамоў, пражывала 434 чал. Меў лінейную забудову, царкву Раства Прасвятой Багародзіцы.

У 1918 годзе тэрыторыя абвяшчалася часткай Беларускай Народнай Рэспублікі. 1 студзеня 1919 года згодна з пастановай І з’езда КП(б) Беларусі яна ўвайшла ў склад Беларускай ССР, аднак 16 студзеня перададзена ў склад РСФСР^[2].

У гады Вялікай Айчыннай вайны вёска была акупаваная гітлераўскімі войскамі ў ліпені 1941 года, вызвалена ў верасні 1943 года.