Пётр Ільіч Рогач

Пётр Ільіч Рогач
Пётр Ільіч Рогач
Дата нараджэння	14 верасня 1939 (85 гадоў)
Месца нараджэння	Старына, Пастаўскі павет, Віленскае ваяводства, Польская Рэспубліка;
Грамадзянства	СССР; Беларусь;
Род дзейнасці	навуковец, выкладчык універсітэта
Навуковая сфера	эканамічная геаграфія
Месца працы	Беларускі дзяржаўны эканамічны ўніверсітэт;
Навуковая ступень	кандыдат геаграфічных навук (1973)
Навуковае званне	дацэнт (1985);
Альма-матар	БДУ (1963);
Узнагароды	Ганаровая грамата ЦК КПСС[d] Ганаровая грамата Савета Міністраў СССР[d]

Пётр Ільіч Рогач (нар. 14 верасня 1939, в. Старына, Пастаўскі павет, Віленскае ваяводства, Польская Рэспубліка) — беларускі географ, спецыяліст у напрамку эканамічнай геаграфіі. Кандыдат геаграфічных навук (1973), дацэнт (1985)^[1].

Біяграфія

Нарадзіўся 14 верасня 1939 года ў вёсцы Старына Пастаўскага павета Віленскага ваяводства.

У 1963 годзе скончыў Беларускі дзяржаўны ўніверсітэт імя У. І. Леніна па спецыяльнасці «Геаграфія», а ў 1967 годзе — магістратуру^{[удакладніць]}. Атрымаў ступень кандыдата геаграфічных навук у 1973 годзе.

Сферай навуковых інтарэсаў з’яўляюцца эканамічная і сацыяльная геаграфія, рэгіянальная эканоміка, эканоміка Рэспублікі Беларусь, краязнаўства.

Працаваў з 1977 года ў Беларускім дзяржаўным інстітуце народнай гаспадаркі імя В. У. Куйбышава (з 1992 года — Беларускі дзяржаўны эканамічны ўніверсітэт) на факультэце эканомікі і менеджменту, кафедра эканомікі прыродакарыстання, дацэнт, у 1983—1993 гадах — загадчык кафедры эканамічнай геаграфіі.

Узнагароджаны ганаровымі граматамі ЦК КПСС, Прэзідыума Вярхоўнага Савета СССР, Савету Міністраў СССР (1987), медалём «20 гадоў Перамогі ў Вялікай Айчыннай вайне 1941—1945 гг»^[2].

Апублікаваў вялікую колькасць артыкулаў і выданняў, у тым ліку і ў сааўтарстве.

Бібліяграфія

Проблемы территориальной организации снабжения городов овощами и картофелем: (на примере городов БССР): диссертация кандидата географических наук / Петр Ильич Рогач. — Минск, 1973.
Коммерческая география Беларуси / П. И. Рогач, В. М. Сосновский. — Минск, 2009.
Материки и страны: учебное пособие / Б. Н. Крайко, П. И. Рогач, Г. Г. Обух. — Минск, 1993.
Национальная экономика Беларуси: учебник / [В. Н. Шимов и др.]. — Минск, 2009.
Размещение производительных сил: учебное пособие / П. И. Рогач, В. Н. Сосновский. — Минск, 2000.
Страноведение: учебное пособие / Рогач П. И. [и др.]. — Минск, 2003.