Распаўсюджванне COVID-19 у Ватыкане

Першы выпадак заражэння каранавірусам COVID-19 у горадзе-дзяржаве Ватыкан быў зафіксаваны 6 сакавіка 2020 года^[1].

Станам на 2023 год у краіне зафіксавана 29 выпадкаў заражэння. Смерці адсутнічалі^[2].

У канцы лютага 2020 года прадстаўнік Апостальскай Сталіцы паведаміў, што некаторыя мерапрыемствы ў закрытых памяшканнях будуць перанесены як выкананне рэкамендацыі ўладаў Італіі. Быў прызначаны дзяжурны лекар і медыцынскі персанал для аказання дапамогі пацыентам у Ватыкане^[3].

10 сакавіка была закрыта плошча Святога Пятра. Усе музеі і археалагічныя зоны пры папскіх базыліцы Рыма таксама закрыліся, адкрытыя толькі аптэка і супермаркет, прыпыненая дзейнасць судовай сістэмы Ватыкана^[4].

Пазней Папа Рымскі прастудзіўся, аднак некаторыя рэсурсы адразу стварылі слых аб тым, што ён заражаны каранавірусам. 1 сакавіка Папа Рымскі звярнуўся з традыцыйнай пропаведдзю да вернікаў, на якой ён абвясціў, што не зможа паехаць у Арычу для здзяйснення духоўных мерапрыемстваў. 3 сакавіка адна з рымскіх газет паведаміла пра тое, што аналіз на каранавірус паказаў у Папы Рымскага адмоўны вынік^[5].

6 сакавіка 2020 года ў Ватыкане быў выяўлены першы выпадак заражэння COVID-19.

24 сакавіка заразіліся яшчэ 3 чалавекі, двое работнікаў ватыканскага музея і адзін супрацоўнік службы забеспячэння^[6].

28 сакавіка з’явілася інфармацыя аб яшчэ 2 выпадках заражэння.

2 красавіка заразіўся сёмы чалавек.

8 красавіка ў Ватыкане абвясцілі, што яшчэ адзін чалавек захварэў пасля таго, як пакінуў Рым, з’ехаўшы да хварэючага сваяка, ён быў шпіталізаваны на месцы. Двое заражаных ачунялі, адзін быў выпісаны з лякарні, двое праходзілі лячэнне там і трое бессімптомных хворых^[7].

27 сакавіка Папа Рымскі на пустой плошчы Святога Пятра ўзнёс малітву за завяршэнне эпідэміі і выратаванне свету^[8], падзея транслявалася ў Facebook, YouTube, па радыё і тэлебачанні.