Рыгор Канстанцінавіч Ціхаў

Рыгор Канстанцінавіч Ціхаў (нар. 12 лютага 1935, г. Нэхэ ў Кітаі — 2013, Гомель) — беларускі архітэктар.

Скончыў у 1961 годзе Уральскі політэхнічны інстытут імя Кірава ў Свярдлоўску. З 1961 года працаваў у Новакузнецку ў праектных інстытутах «Сібпрамбудпраект» і «Кемераваграмадзянпраект». З 1967 года ў інстытуце «Гомельграмадзянпраект» — галоўны архітэктар, з 1988 у «Гомельпраекце» (галоўны архітэктар праектаў).

Член Саюза архітэктараў СССР з 1971 года. Пражывае ў Гомелі.

Асноўныя работы (усе ў Гомелі ў сааўтарстве): тэлеграфна-тэлефонны вузел сувязі (Дом сувязі, 1973—1979), будынак абкама КПБ (1981, з В. І. Комарам), сталовая на 200 месцаў у комплексе будынкаў абкама КПБ і Дома палітасветы (1982, з В. І. Комарам).

У шлюбе з архітэктарам Вольгай Ціхавай.

• Ціхаў Рыгор Канстанцінавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Тихов Григорий Константинович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)