Рэлігія ў Славакіі

Славацкая канстытуцыя гарантуе свабоду веравызнання.

Асноўнай рэлігіяй у Славакіі з'яўляецца хрысціянства.

Большасць грамадзян Славакіі (62%) вызнаюць каталіцтва лацінскай традыцыі. Краіна падзелена на 8 дыяцэзій, у тым ліку 3 архідыяцэзіі.

Другая па велічыні група — пратэстанты (8.2%)^[1], таксама ёсць грэка-каталікі (3,8%)^[1] і праваслаўныя (0,9%). Праваслаўе распаўсюджана сярод русінаў і іх нашчадкаў на паўночным усходзе краіны^[2].

Каля 2300 застаўшыхся яўрэяў спавядаюць іўдаізм, у той час як даваеннае яўрэйскае насельніцтва Славакіі складала прыкладна 120 000^[3].

Да іншых рэлігій, якія распаўсюджаны ў Славакіі, адносяцца Вера Бахаі, індуізм і іслам.

13,4% насельніцтва краіны з'яўляецца атэістамі^[1].

Да астатніх канфесій адносяцца каля 2,5% насельніцтва краіны^[1]. 10,6% складаюць людзі, якія не вызначыліся з канфесійнай прыналежнасцю альбо адмовіліся паведамляць пра свой рэлігійны светапогляд.

Дынаміка росту рэлігійных канфесій у Славакіі на працягу апошняга стагоддзя

• Спіс зарэгістраваных ў Славакіі цэркваў і рэлігійных супольнасцей (сакавік 2015 г.) Архівавана 31 сакавіка 2019.