Свята-Георгіеўская царква (Лоск)

Славутасць
Свята-Георгіеўская царква
Свята-Георгіеўская царква
54°16′01″ пн. ш. 26°26′09″ у. д.HGЯO
Краіна	Беларусь
Вёска	Лоск
Канфесія	БПЦ
Епархія	Маладзечанская епархія
Дата пабудовы	1856
Медыяфайлы на Вікісховішчы

Свята-Георгіеўская царква — праваслаўны храм у в. Лоск Валожынскага раёна Мінскай вобласці.

У паўночнай частцы вёскі. Пабудавана ў 1856 г. з бутавага каменю, з якога ж вымуравана і агароджа царкоўнага пагоста.

Рашэннем Мінскага абласнога савета па пытаннях гісторыка-культурнай спадчыны № 5 ад 07.09.2021 храму святога велікамучаніка Георгія Перамоганосца прысвоены статус гісторыка-культурнай каштоўнасці.

Помнік архітэктуры рэтраспектыўна-рускага стылю. Складаецца з прамавугольнай у плане аб'ёму малітоўнай залы пад двухсхільным дахам і трох'яруснай шатровай званіцы (васьмярык на 2 чацверыках). Шацёр званіцы і двухсхільны дах над алтарнай часткай завершаны цыбулепадобнымі галоўкамі на гранёных барабанах. Сцены апрацаваны руставанымі вуглавымі лапаткамі і аркатурнымі фрызамі, выкананымі з цэглы і атынкаванымі, якія кантрастна вылучаюцца на паліхромнай бутавай муроўцы сцен. Арачныя аконныя праёмы фасадаў, уваходны партал і круглыя люкарны абрамлены руставанымі ліштвамі.

Унутраная прастора перакрыта плоскай столлю.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Г000674

• На Вікісховішчы ёсць медыяфайлы па тэме Свята-Георгіеўская царква (Лоск)
• Свята-Георгіеўская царква (Лоск) на сайце Radzima.org
• Свята-Георгіеўская царква (Лоск) на сайце «Архіварта»