Свята-Пакроўская царква (Клецк)

Праваслаўны храм
Свята-Пакроўская царква
53°04′28″ пн. ш. 26°38′18″ у. д.HGЯO
Краіна	Беларусь
Горад	Клецк
Канфесія	Праваслаўе
Епархія	Слуцкая
Благачынне	Клецкае
Архітэктурны стыль	псеўдарускі
Архітэктар	Леанард Аўгусцінавіч Кржыжаноўскі
Будаўніцтва	1876—1879 гады
Статус	Гісторыка-культурная каштоўнасць Беларусі, шыфр 613Г000188шыфр 613Г000188
Стан	дзейнічае
Глобус Беларусі	orda.of.by/.add/gallery.…
Медыяфайлы на Вікісховішчы

Свята-Пакроўская царква — праваслаўны храм у горадзе Клецку Мінскай вобласці. Знаходзіцца на могілках, па адрасе: вуліца Леніна, 44.

Пабудавана ў 1876—1879 гадах з цэглы на месцы старой драўлянай царквы 1786 года паводле праекта інжынера Леанарда Кржыжаноўскага^[1].

Помнік архітэктуры рэтраспектыўна-рускага стылю. Сіметрычна-восевая аб’ёмна-прасторавая кампазіцыя будынка складаецца з рознавялікіх прамавугольных аб’ёмаў званіцы, трапезнай, кубападобнай малітоўнай залы і арыентаванай на ўсход апсіды. Цэнтральны аб’ём накрыты чатырохсхільным пакатым дахам з драўляным двух’ярусным васьмерыковым барабанам, увянчаным шатром з цыбулепадобнай галоўкай. Падобнае драўлянае завяршэнне — васьмярык на чацверыку з шатром і галоўкай — мае і трох’ярусная званіца.

Галоўны ўваход у храм вылучаны драўляным прытворам. Да яго з 3 бакоў вядуць лесвіцы, выкладзеныя з ружовага вапняку. Сцены будынка прарэзаны прамавугольнымі аконнымі праёмамі ў простых ліштвах. Вуглавыя часткі раскрапаваны магутнымі лапаткамі, па перыметры будынка выступае драўляны карніз простага профілю, дэкарыраваны бляшаным арнаментальным падзорам.

Кампазіцыя інтэр’ера пабудавана на кантрасце нізкіх памяшканняў трапезнай і апсіды з больш высокай цэнтральнай залай храма. Памяшканні адкрываюцца ў малітоўную залу лучковымі арачнымі прасветамі. Апсіда вылучана драўляным іканастасам.

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1987. — Мінская вобласць. Кніга 2. — 308 с.: іл. — С. 212.
• Праваслаўныя храмы Беларусі: энцыклапедычны даведнік / А. М. Кулагін; [рэд. савет: Г. П. Пашкоў, Л. В. Календа]. — Мн.: БелЭн, 2007. — 653 с. 2000 экз. ISBN 978-985-11-0389-4.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Г000188

• На Вікісховішчы ёсць медыяфайлы па тэме Свята-Пакроўская царква (Клецк)
• Свята-Пакроўская царква (Клецк) на сайце Праваслаўная архітэктура Беларусі (бел.)
• Свята-Пакроўская царква (Клецк) на сайце Radzima.org
• Свята-Пакроўская царква (Клецк) на сайце Глобус Беларусі (руск.)
• Свята-Пакроўская царква (Клецк) на сайце «Архіварта»