Свята-Параскева-Пятніцкая царква (Вербавічы)

Праваслаўны храм
Свята-Параскева-Пятніцкая царква
51°42′54,66″ пн. ш. 29°30′53,29″ у. д.HGЯO
Краіна	Беларусь
Вёска	Вербавічы
Канфесія	БПЦ
Епархія	Тураўская епархія
Архітэктурны стыль	барока
Статус	Гісторыка-культурная каштоўнасць Беларусі, шыфр 313Г000540шыфр 313Г000540
Глобус Беларусі	globustut.by/verbovichi/…

Свята-Параскева-Пятніцкая царква — праваслаўны храм у імя святой мучаніцы Параскевы Пятніцы ў в. Вербавічы Нараўлянскага раёна Гомельскай вобласці.

Пабудавана ў цэнтры вёскі ў XVIII стагоддзі з цэглы. Пасля Вялікай Айчынай вайны выкарыстоўвалася пад краязнаўчы музей.

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Помнік архітэктуры стылю барока. Крыжападобны ў плане будынак накрыты пакатым шматсхільным дахам. Бакавыя прыдзелы (мелі ўваходныя дзверы, замураваны) і апсіда вырашаны пяціграннымі аб'ёмамі. Да бабінца прылягае больш нізкі драўляны прытвор пад аднасхільным дахам. Вуглы атынкаваных сцен (таўшчыня 0,8 м) умацаваны пілястрамі. Фасады прарэзаны высока ўзнятымі прамавугольнымі аконнымі праёмамі і апяразаны прафіляваным карнізам.

• Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 313Г000540

• Свята-Параскева-Пятніцкая царква (Вербавічы) на сайце Праваслаўная архітэктура Беларусі (бел.)
• Свята-Параскева-Пятніцкая царква (Вербавічы) на сайце Radzima.org
• Свята-Параскева-Пятніцкая царква (Вербавічы) на сайце Глобус Беларусі (руск.)
• Свята-Параскева-Пятніцкая царква (Вербавічы) на сайце «Архіварта»