Тураўская і Мазырская епархія

Тураўская і Мазырская епархія
Беларуская праваслаўная царква
Сабор у імя Архістратыга Міхаіла, г. Мазыр
Агульныя звесткі
Краіна	Беларусь
Епархіяльны цэнтр	Мазыр
Заснавана	1005
Кіраванне
Кіруючы архірэй	епіскап Тураўскі і Мазырскі Леанід (Філь) (з 7 чэрвеня 2012)
Кафедральны храм	Сабор у імя Архістратыга Міхаіла (Мазыр)
Другі кафедральны храм	Сабор Свяціцеляў Кірыла і Лаўрэнція Тураўскіх (г. Тураў, Жыткавіцкі раён)
Статыстыка
Благачынняў	8
Сайт	turov.by
Карта
Медыяфайлы на Вікісховішчы

Тураўская і Мазырская епархія — епархія Рускай праваслаўнай царквы ў Беларусі. Заснавана каля 1005 года, адноўлена 18 кастрычніка 1992 года. Аб’ядноўвае прыходы і манастыры на тэрыторыі Акцябрскага, Брагінскага, Ельскага, Жыткавіцкага, Калінкавіцкага, Лельчыцкага, Мазырскага, Нараўлянскага, Петрыкаўскага і Хойніцкага раёнаў Гомельскай вобласці.

Тураўская епархія заснавана ў 1005 годзе. З’яўляецца адной з найстарэйшых епархій на Беларусі. Аб першых часах хрысціянства на Беларусі дагэтуль сведчаць тураўскія каменныя крыжы, даўжынёю больш за 2 метры. Двое з тураўскіх епіскапаў былі прылічаны Праваслаўнай Царквою да ліку святых — св. Кірыла Тураўскі і св. Лаўрэнцій Тураўскі. Яшчэ адзін святы, якога дала Царкве тураўская зямля, — Святы Марцін. У жыцці ён быў звычайным ўладыкавым кухарам, але яму пашчасціла пабачыць з’яўленне Святых Барыса і Глеба.

У XII стагоддзі жонка Святаполка II Ізяславіча Варвара заснавала ў Тураве першы на Беларусі жаночы Варварын манастыр.

У 1241 годзе кафедра была перанесена ў Пінск.

На 2005 год у епархіі налічвалася 58 прыходаў, 47 святароў, 5 дыяканаў.

30 студзеня 2005 года была здзейснена хіратонія архімандрыта Стэфана ў епіскапа Тураўскага і Мазырскага.

5 лістапада 2009 года Свяцейшы Патрыярх Кірыл благаславіў будаўніцтва кафедральнага сабора ў горадзе Тураве.

• Фама (згад. 1005, 1014)
• Сімяон (з 1072)
• Ігнацій
• Іаакім І
• Георгій
• Кірыл І (1114—1120)
• Ігнацій (? — 1144)
• Іаакім І (I) (1144—1146/1147)
• Іаан (1146)
• Георгій (згад. 1167—1169)
• Св. Кірыл II (1169—1181/1182)
• Лаўрэнцій (1182 — 29 студзеня 1194)
• 1194 — 1328 — імёны не захаваліся
• Іаан (Пашын) (1923—1926)
• Пётр (Карпусюк) (ліпень 1992 — снежань 2004)
• Сцяфан (Нешчарэт) (30 студзеня 2005 — 7 чэрвеня 2012)
• Леанід (Філь) (з 7 чэрвеня]] 2012 па цяперашні час)

• Калінкавіцкае
• Лельчыцкае
• Мазырскае гарадское
• Мазырскае сельскае
• Петрыкаўскае
• Тураўскае
• Хойніцкае

• Нараджэння Прасвятой Багародзіцы, мужчынскі манастыр у в. Юравічы.
• Хойніцкі ў гонар Пакрова Прасвятой Богародзіцы, жаночы манастыр у горадзе Хойнікі.

Кафедральны сабор у імя Архістратыга Міхаіла знаходзіцца ў горадзе Мазыры. На працягу 2010—2012 гг. у Тураве быў пабудаваны новы кафедральны сабор у імя святых Кірыла і Лаўрэнція Тураўскіх.

• Тураўская праваслаўная епархія // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 542. — 10 000 экз. — ISBN 985-11-0214-8.
• Пінска-Тураўская праваслаўная епархія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 434. — 792 с. — ISBN 985-11-0378-0 (т. 2), ISBN 985-11-0315-2.
• Стефан, епископ Туровский и Мозырский Туровская епархия в начале XXI столетия // Ступени. 2005. — № 2 (18).
• Antoni Mironowicz. Biskupstwo turowsko-pińskie w XI—XVI wieku. — Trans Humana, 2011. — 358 с. — ISBN 978-83-61209-55-3.

• Афіцыйная старонка Тураўскай епархіі
• Інфармацыя на сайце Маскоўскага Патрыярхата