Свята-Успенская царква (Манькавічы)

Славутасць
Свята-Успенская царква
55°02′31″ пн. ш. 26°53′35″ у. д.HGЯO
Краіна	Беларусь
Вёска	Манькавічы
Канфесія	БПЦ
Епархія	Полацкая і Глыбоцкая епархія
Дата пабудовы	XIX стагоддзе
Глобус Беларусі	globustut.by/mankov_post…
Медыяфайлы на Вікісховішчы

Свята-Успенская царква — праваслаўны храм у в. Манькавічы Пастаўскага раёна Віцебскай вобласці.

На паўночна-ўсходняй ускраіне вёскі. Пабудавана ў XIX ст. (да 1895) з бутавага каменю на месцы храма, які згадваецца ў 1654 годзе ў сувязі з ахвяраваннем царкве Апалоніяй Зяневіч зямель і сялян^[1]. Богаслужэнні адноўлены ў 1990-я гг. Абнесена бутавай агароджай.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000881

Помнік архітэктуры сінадальнага напрамку рэтраспектыўна-рускага стылю. Асноўны кубападобны аб’ём накрыты пакатым шатровым дахам з цыбулепадобнай галоўкай на гранёным барабане. Да яго далучаны прытвор-званіца, завершаны вежай-званіцай (васьмярык на 2 чацверыках), і паўкруглая апсіда. Арачны ўваходны праём аформлены магутным перспектыўным парталам пад 2-гранным пакрыццём. На фоне паліхромнай бутавай муроўкі сцен вылучаюцца атынкаваныя элементы архітэктурнага дэкору: аркатурныя фрызы, вуглавыя лапаткі, кілепадобныя ліштвы арачных аконных праёмаў.

У інтэр'еры ў малітоўную залу шырокімі арачнымі прасветамі адкрываюцца прытвор і апсіда, вылучаная драўляным іканастасам.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Успенская царква (Манькавічы)
• Свята-Успенская царква (Манькавічы) на сайце Глобус Беларусі (руск.)