Сноўка (прыток Даколькі)

Сноўка
Характарыстыка
Даўжыня	11 км
Вадацёк
Вусце	Даколька
• Вышыня	140,9 м
• Каардынаты	52°52′30″ пн. ш. 28°27′32″ у. д.HGЯO
Размяшчэнне
Водная сістэма	Даколька → Пціч → Прыпяць → Дняпро → Чорнае мора
Краіна	Беларусь
Рэгіён	Мінская вобласць
Раён	Старадарожскі раён
вусце
вусце

Сноўка — рака ў Старадарожскім раёне Мінскай вобласці, правы прыток ракі Даколька. Даўжыня 11 км^[1]. Пачынаецца за 2 км на паўночны захад ад вёскі Глядавічы, вусце за 0,5 км на ўсход ад вёскі Стражы. Рэчышча каналізаванае.

Назва старабалцкага паходжання. Пярвейшая назоўная форма — Сноў.

Прамыя гідранімічныя адпаведнікі — назвы буйной дзесенскай ракі Сноў^[ru], малой ракі Сноўка (< Сноў) у басейне Нёмана.

Ад індаеўрапейскага *(s)nā- / *(s)nāu- / (s)neu- «цячы». Ад яго з дапамогай пашыральніка -l- назва рэк Нальша (двойчы на Павоччы, таксама меркавана на цяперашнім беларуска-літоўскім памежжы)^[2], літоўская Nalija, пскоўская Наліца (< *Nālia)^[3]. З дапамогай пашыральніка -t- назва рэк Нача, пруская *Nātangā^[4][5], літоўскія водныя назвы Nota, Notė, Notija, Notera^[6].

Назва ракі Сноў значыць «Плыткая (рака)».

Старабалцкае *Snāvas «цячэнне» (< індаеўрапейскае *sna-ṷo-s) захавалася на сёння толькі ў гідраніміі. Фанетычна падобная структура ў старабалцкага *Drāvas (таксама захавалася толькі ў гідраніміі), ад індаеўрапейскага *dreu- «бегчы, імкнуцца»^[3], ад якога рачныя назвы тыпу Адроў, Сухадроўка.

• Республика Беларусь. Минская область. Стародорожский район: карта. Старые Дороги: план / Ред. И.И. Шилай.. — Минск: РУП «Белкартография», 2013. — 3 000 экз.

• Рэкі Старадарожчыны