Стрэльскі (заказнік)

Рэспубліканскі заказнік «Стрэльскі»
Размяшчэнне	Беларусь, Калінкавіцкі раён, Мазырскі раён
Плошча	12 054,09 га
Дата заснавання	23 лютага 1999 года
Рэспубліканскі заказнік «Стрэльскі»
Рэспубліканскі заказнік «Стрэльскі»

Рэспубліканскі заказнік «Стрэ́льскі» — заказнік у Беларусі, на тэрыторыі Калінкавіцкага і Мазырскага раёнаў Гомельскай вобласці.

Створаны 23 лютага 1999 года як рэспубліканскі ландшафтны заказнік у мэтах захавання ў натуральным стане ўнікальных прыродных комплексаў Беларускага Палесся і папуляцый дзікарослых раслін, дзікіх жывёл, якія адносяцца да відаў, уключаных у Чырвоную кнігу Рэспублікі Беларусь, а таксама месцаў іх росту і пражывання^[1]. 3 красавіка 2020 года пераўтвораны ў рэспубліканскі заказнік^[2]. Кіраванне Стрэльскім заказнікам ажыццяўляюць Калінкавіцкі і Мазырскі райвыканкамы^[2].

Плошча заказніка складае 12 054,09 гектараў^[2]. Ландшафты ўзгорыстыя, марэнныя, эразійныя з покрывам супескаў, слаба дрэніраваных раўнін, поймы ракі Прыпяць і яе прытокаў. Перапады вышынь складаюць да 40 м. Прыроднае расліннае покрыва займае каля 80 % плошчы заказніка^[3]. Пераважаюць хваёвыя лясы, шмат дубоў. Таксама сустракаюцца чорнаальховыя лясы і крапіўныя ясеннікі. У флоры налічваюцца больш за 500 відаў сасудзістых раслін, 250 відаў ніжэйшых раслін, 27 відаў з іх занесены ў Чырвоную кнігу Беларусі^[3]. Сярод іх венерын чаравічак сапраўдны, кураслеп лясны, кадзіла сармацкае, касач сібірскі, сальвінія плывучая і інш. У фаўне пазваночных Стрэльскага заказніка 264 віды, 20 з іх у Чырвонай кнізе Беларусі^[3]. Сярод іх сцерлядзь, вусач, чарапаха балотная, паганка малая, арэшнікавая соня, вячэрніца малая і інш.

• Лабанок П. І. Стрэ́льскі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 217. — 10 000 экз. — ISBN 985-11-0035-8. — ISBN 985-11-0251-2 (т. 15).
• Постановление Савета Министров Республики Беларусь 23 февраля 1999 г. № 282 Об образовании республиканского ландшафтного заказника «Стрельский» (руск.)
• Ландшафтный заказник «Стрельский» как объект экологического туризма / Завалей В. Н. // Непрерывное географическое образование: новые технологии в системе высшей и средней школы : материалы III Международной научно-практической конференции (Гомель, 21―22 апреля 2011 г.) / [редколлегия: Г. Н. Каропа (ответственный редактор) и др.]. — Гомель, 2011. — С. 132―133.

• Постановление Савета Министров Республики Беларусь 3 апреля 2020 г. № 199 О преобразовании республиканского заказника «Стрельский» (руск.) (Праверана 19 чэрвеня 2023) // Сайт Мазырскага вопытнага лясгаса (руск.) (Праверана 19 чэрвеня 2023)
• Список особо охраняемых природных территорий Гомельской области
• Заказник «СТРЕЛЬСКИЙ» (руск.) (Праверана 19 чэрвеня 2023) // Афіцыйны сайт Калінкавіцкага лясгаса
• Гуминская Е. Ю., Букиневич Л. А., Дрожжа А. И. Флора и растительность лиственных лесов ландшафтного заказника «Стрельский» (руск.) (Праверана 19 чэрвеня 2023) // Весці МДПУ імя І. П. Шамякіна, № 2(56) 2020.
• Республиканский ландшафтный заказник «Стрельский» Архівавана 19 чэрвеня 2023. (руск.) (Праверана 19 чэрвеня 2023) // Праект WILDLIFE.BY («Дикая природа Беларуси»)