Супрасльскі абраз Маці Божай
Супрасльскі абраз Маці Божай, Супрасльская Адзігітрыя — адна з хрысціянскіх святынь Беларусі і Польшчы, ушаноўвалася праваслаўнай і грэка-каталіцкай цэрквамі. ГісторыяПаводле прыхадской кнігі Супрасльскага Дабравешчанскага манастыра ўнесена ў 1503 годзе смаленскім епіскапам Іосіфам у Супрасль у дар манастыру разам з царкоўным начыннем і богаслужэбнымі кнігамі. Пашыраная на Беласточчыне легенда сцвярджае, што абраз з’явіўся двум манахам на водах ракі Супрасль. Іканапісны звод паходзіць ад візантыйскага абраза Маці Божай — Улахернскай Адзігітрыі («Пуцевадзіцельніцы»), напісанай паводле царкоўнага падання евангелістам Лукой непасрэдна з Багародзіцы і перанесенай у пач. XII ст. кіеўскім князем Уладзімірам Манамахам у Смаленск. У адрозненне ад Улахернскай Адзігітрыі і яе спісаў (гл. Смаленскі абраз Маці Божай) на Супрасльскім абразе дзіцятка Ісус трымае ў руцэ не скрутак, а кнігу; над галавой Маці Божай знаходзіцца Бог Айцец у аблоках з анёльскімі чынамі. У Супрасльскім манастыры пры архімандрыце Сергію Кімбару ў 1557 годзе абраз быў упрыгожаны сярэбранай вызалачанай шатай з каштоўнымі камянямі. Цудатворны абраз захоўваўся ў Супраслі да 1915 года, потым у выніку наступлення германскіх войск перанесены ў Слуцк, далейшы яго лёс невядомы. Захаваліся дзве копіі, адна з якіх знаходзіцца ў царкве ў Супрасльскім манастыры. Традыцыйны дзень ушанавання абраза — 25 сакавіка (7 красавіка), з XIX ст. таксама 23 ліпеня (10 жніўня) — дзень агульнага святкавання Смаленскай Адзігітрыі. У гэты дзень ідуць паломніцтвы да абраза. Літаратура
Спасылкі
|
||||||||||||||
Portal di Ensiklopedia Dunia
