Сутыкненне на эфіопа-эрытрэйскай мяжы (2010)

Сутыкненне на эфіопа-эрытрэйскай мяжы
Асноўны канфлікт: Эфіопа-эрытрэйскі пагранічны канфлікт
Дата	1 студзеня 2010
Месца	наваколле Заламбесы
Праціўнікі
Эфіопія Эрытрэя
Страты
10 забітых і 2 палонных (паводле Эрытрэі) 25 забітых (паводле Эфіопіі)

Сутыкненне на эфіопа-эрытрэйскай мяжы 2010 года — узброены інцыдэнт на мяжы Эфіопіі і Эрытрэі ля горада Заламбеса  (англ.) (бел. 1 студзеня 2010 года.

Адносіны паміж Эрытрэяй і Эфіопіяй заставаліся напружанымі, што было выклікана пагранічнымі спрэчкамі і вайной 1998—2000 гадоў.

Незадоўга да здарэння супраць Эрытрэі ўведзены санкцыі ААН за пастаўкі зброі самалійскім баевікам і адмову вырашаць пагранічную спрэчку з суседняй Джыбуці^[1].

У заяве ад 2 студзеня на сайце Міністэрства інфармацыі Эрытрэі казалася, што ранняй раніцай 1 студзеня 2010 года апалчэнцы НФВТ, адной з партый кіруючай кааліцыі Эфіопіі, распачалі паслядоўныя атакі ў раёне Заламбесы, але былі хутка адкінуты. 10 эфіопаў загінулі, двое ўзяты ў палон. У сваю чаргу Берэкет Сіман  (англ.) (бел., кіраўнік аддзела інфармацыі ўрада Эфіопіі, абвінаваціў афіцыйную Асмэру ў спробе схаваць напад эрытрэйскіх паўстанцаў, у выніку якога былі забіты 25 вайскоўцаў. На яго думку, урад Эрытрэі жадаў за лік канфрантацыі з Эфіопіяй адцягнуць увагу ад ўнутранага крызісу^[2][3].