Сцяг Фіджы

Сцяг Рэспублікі Астравоў Фіджы
Зацверджаны	10 кастрычніка 1970
Прапорцыя	1:2
Аўтарскі калектыў
Робі Уілкак, Мюрэй Макензі

Дзяржаўны сцяг Фіджы — прыняты 10 кастрычніка 1970 года. Дызайн распрацаваны Робі Уілкакам (анг. Mr. Robi Wilcock) і Мюрэй МакКензі (анг. Mrs. Murray MacKenzie)^[1].

Разам са зменай назвы краіны змянялася і назва сцяга, сам малюнак заставаўся нязменным:

• Сцяг Фіджы - з 10 снежня 1970 г.;
• Сцяг Рэспублікі Фіджы - з 7 кастрычніка 1987 г.;
• Сцяг суверэннай Дэмакратычнай Рэспублікі Фіджы - з 25 ліпеня 1990 г.;
• Сцяг Рэспублікі Астравоў Фіджы - з 27 ліпеня 1998 года.

Сцяг Фіджы ўяўляе сабой прамавугольнае палотнішча блакітнага колеру, у верхнім левым вуглу якога знаходзіцца выява сцяга Вялікабрытаніі, а ў правай частцы - гербавага шчыта, які з'яўляецца элементам герба Фіджы. Аснову гербавага шчыта складае Георгіеўскі крыж, на якім размешчана выява геральдычнага льва, які трымае сваімі лапамі плод какава. У правай верхняй секцыі шчыта - выява цукровага трыснягу, у правай ніжняй частцы - звязак бананаў, у левай верхняй - какосавая пальма, у левай ніжняй - белы голуб.

• Сцяг Вялікабрытаніі сімвалізуе гістарычную сувязь краіны са сваёй былой метраполіяй.
• Цукровы трыснёг, бананы, какосавыя пальмы складаюць аснову эканомікі Фіджы.
• Голуб сімвалізуе мір.
• Блакітны колер сцяга сімвалізуе Ціхі акіян^[2].

У каланіяльныя гады, у 1924 годзе, на Фіджы быў прыняты сцяг, падобны да сучаснага. Адрозненне складалася ў тым, што колер палатна быў сіні, а не блакітны, а замест гербавага шчыта ў левай частцы быў намаляваны поўны герб Фіджы.^[3]

• FOTW Flags Of The World website. Fiji