Сялюты (Віцебскі раён)

Вёска Сялюты Краіна Беларусь Вобласць Віцебская Раён Віцебскі Сельсавет Акцябрскі Каардынаты 55°06′ пн. ш. 30°16′ у. д.HGЯO Вышыня цэнтра 143 м Насельніцтва 167 чалавек (2009) Часавы пояс UTC+3 Тэлефонны код +375 212 Паштовыя індэксы 211319 Аўтамабільны код 2 СААТА 2212881091 Сялюты на карце Беларусі ±

Сялю́ты — вёска ў Акцябрскім сельсавеце Віцебскага раёна. Размешчана за 11 км на поўдзень ад Віцебска, за 1 км ад аўтадарогі Р87 (Віцебск — Орша), за 3 км ад чыгуначнай станцыі Забалоцінка, на правым беразе ракі Лучоса.

Сялюты згадваюцца ў 1661 годзе як вёска ў Віцебскім ваяводстве Вялікага Княства Літоўскага. З 1772 года ў Віцебскім павеце Расійскай імперыі. З 1864 года маёнтак ва ўласнасці Храпавіцкага. У 1852 годзе ў Сялютах пабудавана царква, у 1863 годзе адкрыта народнае вучылішча. У 1886 годзе сяло Сялюты — цэнтр воласці (валасное праўленне, сядзіба, вадзяны млын, цагельня).

У пачатку XX стагоддзя маёнтак Сялюты Сялюцкай воласці Віцебскага павета належаў А. Я. Гес-дэ-Кальвэ. 18 двароў, 75 жыхароў. З 20 жніўня 1924 года вёска Сялюты — цэнтр Сялюцкага сельсавета Віцебскага раёна. З 16 ліпеня 1954 года вёска ў складзе Акцябрскага сельсавета.

• 167 жыхароў (2009)

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.
• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8.