Сямён Георгіевіч Шарэцкі

Сямен Георгіевіч Шарэцкi
12-ы Старшыня Вярхоўнага Савета Беларусі 10 студзеня 1996 — 1996
Папярэднік	Мечыслаў Іванавіч Грыб
Пераемнік	пасада скасавана
Нараджэнне	23 верасня 1936(1936-09-23) (88 гадоў) Лаўрышава, Навагрудскае ваяводства, Польская Рэспубліка
Нацыянальнасць	Беларус
Партыя	Беларуская аграрная партыя
Член у	Расійская акадэмія навук
Адукацыя	Беларуская дзяржаўная сельскагаспадарчая акадэмія (1959) Мінская вышэйшая партыйная школа пры ЦК КПБ (1970)
Навуковая ступень	доктар эканамічных навук
Навуковае званне	прафесар акадэмік Акадэміі аграрных навук Рэспублікі Беларусь[d] (1996)

Сямё́н Гео́ргіевіч Шарэ́цкі (нар. 23 верасня 1936(1936-09-23), Лаўрышава, Навагрудскае ваяводства, Польская Рэспубліка) — беларускі дзяржаўны дзеяч.

Скончыў Беларускую сельскагаспадарчую акадэмію (1959), Вышэйшую партыйную школу пры ЦК КПБ (1970).

Кандыдат эканамічных навук (1972), доктар эканамічных навук (1984), прафесар (1989). Акадэмік Акадэміі аграрных навук Рэспублікі Беларусь (1996—2002), член-карэспандэнт УАСГНІЛ (1991)^[1], замежны член Украінскай акадэміі аграрных навук (1993)^[2] і Міжнароднай акадэміі інфармацыйных працэсаў і тэхналогій.

Працаваў намеснікам старшыні (з 1959), старшынёй калгасу «Зорка» (з 1963), старшым выкладчыкам (1970—1976), загадчыкам кафедрай «Эканоміка і арганізацыя сельскагаспадарчай вытворчасці» у ВПШ (з 1976), старшынёй калгасу «Чырвоны Сцяг» Валожынскага раёна Мінскай вобласці (1984—1993).

У 1993 саветнік старшыні Савета Міністраў Рэспублікі Беларусь. Старшыня створанай ім жа Аграрнай партыі Беларусі (з 1994). Дэпутат ВС РБ (з 1995), старшыня ВС РБ (з студзеня 1996). Да канстытуцыйнага крызісу 1996 года Аграрная партыя была адной з найбольш масавых, у яе ўваходзіла 12 тысяч чалавек.

21 ліпеня 1999 дэпутаты ВС РБ XIII склікання, прыхільнікі Канстытуцыі 1994 года, прызначылі яго в.а. прэзідэнта Рэспублікі Беларусь. З канца ліпеня 1999 Сямён Шарэцкі жыў у Вільнюсе (Літва), лічыўся легітымным кіраўніком Беларусі; яму была прадстаўленая дзяржаўная ахова.

Эміграваў у 2001 годзе ў ЗША, атрымаў грамадзянства, жыве ў Каліфорніі ў горадзе Лівермор^[3].

	Сямён Георгіевіч Шарэцкі ў Вікіцытатніку

• Сьпіс беларускіх палітыкаў // Беларуская палітычная сістэма і прэзыдэнцкія выбары 2001 г.: Зборнік аналітычных артыкулаў. Канцэпцыя Казанэцкі П., Булгакаў В.; Рэд. Булгакаў В. — Варшава: Wschodnioeuropejskie Centrum Demokratyczne IDEE, Аналітычная Група. 2001. ISBN 83-916658-0-1;
• Шарецкий Семён // Кто есть кто в Беларуси. Хто ёсць хто ў Беларусі. Who’s who in Belarus / Складальнікі В. Голубеў, А. Кіжэ, А. Смольскі, В. Трыгубовіч, Г. Ахметава, В. Чуйко. — М.: Кніжны дом «Университет», 1999. — 176 с. ISBN 5-8013-0068-6;
• Шарецкий Семён // История Беларуси: Словарь-справочник. — Мн.: Экономпресс, 2000. ISBN 985-6479-22-3.