Сяргей Аляксандравіч Кандрацьеў

Сяргей Кандрацьеў
Сяргей Кандрацьеў
Поўнае імя	Сяргей Аляксандравіч Кандрацьеў
Нарадзіўся	2 лютага 1990 (35 гадоў); Мінск, БССР, СССР;
Грамадзянства	Беларусь
Рост	178 см
Вага	73 кг
Пазіцыя	абаронца
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;

Сяргей Кандрацьеў (нар. 2 лютага 1990, Мінск) — беларускі футбаліст, абаронца.

Клубная кар’ера

Выхаванец мінскай школы «Змена», з 2008 года гуляў за мінскае «Дынама». У сезоне 2010 быў асноўным левым абаронцам, але потым быў выцеснены з асноўнага складу.

У лютым 2013 года перайшоў у «Гомель»^[3]. У гомельскім клубе трывала гуляў у аснове, звычайна на пазіцыі левага абаронцы, часам выкарыстоўваўся як правы абаронца. У лютым 2014 года кантракт з «Гомелем» быў разарваны^[4].

У сакавіку 2014 падпісаў кантракт з брэсцкім «Дынама»^[5]. У складзе брэсцкага клуба стаў выступаць на пазіцыі цэнтральнага абаронцы, часам таксама гуляў флангавага абаронцу. У матчы 3-га тура супраць «Белшыны» (12 красавіка) на 29-й хвіліне атрымаў чырвоную картку з-за канфлікту з арбітрам пасля выдалення Уладзіміра Шчэрбы^[6]. Застаўшыся ўдзевяцёх, брэсцкі клуб разгромна саступіў 0:7, а Кандрацьеў атрымаў трохматчавую дыскваліфікацыю.

У сезоне 2015 працягваў быць асноўным іграком «Дынама», стаў выступаць на пазіцыі левага абаронцы. Па заканчэнні сезона пакінуў клуб^[7].

У лютым 2016 года пасля прагляду падпісаў кантракт з наваполацкім «Нафтанам»^[8], дзе стаў іграком асновы. У студзені 2017 года накіраваўся ў стан бабруйскай «Белшыны» і ў лютым падпісаў кантракт^[9]. У складзе «Белшыны» таксама стаў асноўным абаронцам.

У студзені 2019 года перайшоў у жыткавіцкі ЮАС, аднак ужо ў красавіку пакінуў каманду і завяршыў прафесійную кар’еру^[10].

У жніўні 2022 года далучыўся да віцебскага «Вялеса-2020» у Другой лізе, выступаў за каманду да канца сезона.