Така-Боне-Ратэ

Нацыянальны парк Така-Боне-Ратэ
Taman Nasional Taka Bonerate
Катэгорыя МСАП — II (Нацыянальны парк)
Размяшчэнне	Інданезія, Паўднёвы Сулавесі
Плошча	5307 км²
Дата заснавання	1992
Нацыянальны парк Така-Боне-Ратэ

Та́ка-Бо́не-Ра́тэ (індан.: Taman Nasional Taka Bonerate) — нацыянальны парк у Інданезіі, каля паўднёва-заходняга ўзбярэжжа Сулавесі. Займае аднайменны атол і навакольныя марскія тэрыторыі. Агульная плошча - 5307 км².

Нацыянальны парк быў створаны ў 1992 г. для аховы другой па плошчы ў свеце (пасля Кваджалейна) буйной экасістэмы каралавых атолаў. На адным з астраўкоў месціцца населеная вёска. У наш час развіваецца турызм.

Нацыянальны парк Така-Боне-Ратэ займае тэрыторыю аднайменнага атола. Уяўляе сабою кола нізкіх каралавых астраўкоў і каралавага рыфа, якія атачаюць шырокую лагуну (другую па плошчы ў свеце пасля лагуны атола Кваджалейн).

Флора сушы прадстаўлена ксерафітнымі хмызнякамі, какосавымі пальмамі і хвоямі. Фаўна сушы бедная — птушкі, крабы, яшчаркі. Нацыянальны парк славіцца багаццем падводнага свету, які насяляюць 261 від каралавых паліпаў, 295 відаў рыб, 244 відаў малюскаў, некалькі відаў марскіх чарапах.

• National Park Taka Bonerata
• Tinabo Dive Resort
• Diving in Takabonerate National Park