Таццяна Назараўна Аляксеева

Таццяна Назараўна Аляксеева
Таццяна Назараўна Аляксеева
Дата нараджэння	9 кастрычніка 1922
Месца нараджэння	Сяміпалацінск, Сяміпалацінская губерня[d], Кіргізская АССР[d], РСФСР[d];
Дата смерці	21 лютага 1996 (73 гады)
Месца смерці	Мінск, Беларусь;
Грамадзянства	СССР; Беларусь;
Муж	Віктар Паўлавіч Тарасаў
Прафесія	актрыса
Тэатр	Кіеўскі нацыянальны акадэмічны тэатр аперэты[d]; Магілёўскі абласны драматычны тэатр; Брэсцкі акадэмічны тэатр драмы імя Ленінскага камсамола Беларусі; Нацыянальны акадэмічны тэатр імя Янкі Купалы; Беларуская дзяржаўная акадэмія мастацтваў; Беларускі дзяржаўны ўніверсітэт культуры і мастацтваў; Беларуская дзяржаўная акадэмія музыкі;
Узнагароды
IMDb	ID 0017970

Таццяна Назараўна Аляксе́ева (9 кастрычніка 1922(1922-10-09), Сяміпалацінск, Кіргізская АССР^[d] — 21 лютага 1996(1996-02-21), Мінск) — беларуская актрыса тэатра і кіно. Заслужаны артыст Беларускай ССР (1955).

Біяграфія

Нарадзілася 9 кастрычніка 1922 года ў Сяміпалацінску. Сцэнічную дзейнасць пачала ў 1943 годзе ў Кіеўскім тэатры музычнай камедыі, які быў эвакуіраваны ў Казахстан. Пасля вайны ў Чарнавіцкім музычна-драматычным тэатры.

З 1948 года на Беларусі. Працавала ў Магілёўскім абласным драматычным тэатры, у 1948—1951 гадах — у Брэсцкім драматычным тэатры імя Ленінскага камсамола Беларусі; з 1952 года ў Нацыянальным тэатры імя Я. Купалы.

Выкладала ў Беларускім тэатральна-мастацкім інстытуце (1968—1975), Мінскім інстытуце культуры (1977—1982), Беларускай акадэміі музыкі (з 1982 года).

Памерла 21 лютага 1996 года.

Творчасць

Актрыса лірыка-драматычнага плана, валодае высокай сцэнічнай культурай, псіхалагічную распрацоўку ролі спалучае з дакладным вонкавым малюнкам: Вікця («Людзі і д’яблы» К. Крапівы), Юлія Тугіна, Кручыніна («Апошняя ахвяра^[ru]», «Без віны вінаватыя^[ru]» А. Астроўскага), Луіза («Каварства і каханне» Ф. Шылера), Джульета і Алена («Рамэа і Джульета», «Канец — справе вянец^[ru]» У. Шэкспіра), Агнія («Традыцыйны збор» В. Розава). Тонкі гумар уласцівы камедыйным персанажам: Адэля («Ажаніцца не журыцца» Далецкіх і М. Чарота), Маці («Дзверы стукаюць» М. Фермо), Паўла («Гульня з кошкай» І. Эркеня)^[1].

Фільмаграфія

1954 — Зямля — Ганна
1954 — Хто смяецца апошнім — машыністка
1955 — Лымярыўна — Наталля Лымярыўна
1955 — Шляхі і лёсы — Вера
1957 — Пад залатым арлом — Ганна Рабчук, украінка-астарбайтар
1959 — Каханнем трэба даражыць — Тоня, сакратар райкама камсамола
1960 — Наперадзе — круты паварот — Снегірова
1963 — 40 хвілін да світання — эпізод
1968 — Страказіныя крылы — настаўніца
1969 — Мы з Вулканам — маці Алесі
1971 — Руіны страляюць… — Вольга Шчарбацэвіч
1972 — Дзень маіх сыноў — Надзя
1972 — Перад першым снегам — эпізод
1973 — Хлеб пахне порахам — маці Лукашэвіча
1974 — Вялікі ўтаймавальнік — Таццяна Андрэеўна Свірыдава
1975 — Надзейны чалавек -Таня
1975 — Факт біяграфіі — Таццяна Зайчык
1976 — Нядзельная ноч — маці Мішы
1976 — Сын старшыні — Аляўціна
1980 — Атланты і карыятыды — сакратар Багдана Віталевіча
1981 — Кантрольная па спецыяльнасці — эпізод
1983 — Абуза — выхавальніца
1984 — Дрэвы на асфальце — Наталля Барысаўна
1992 — Белае адзенне — Вера Лукнічна, бабуля Лены
1994 — Эпілог — Вольга

Сям’я

Муж — Віктар Паўлавіч Тарасаў, савецкі беларускі акцёр тэатра і кіно. Народны артыст СССР.

Зноскі

↑ Аляксеева Таццяна Назараўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Літаратура

Аляксеева Таццяна Назараўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

[БЭ-1] Аляксеева Таццяна Назараўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

[1]