Таццяна Рамуальдаўна Шаметавец

Таццяна Рамуальдаўна Шаметавец
Таццяна Рамуальдаўна Шаметавец
Дата нараджэння	1 студзеня 1960 (65 гадоў)
Месца нараджэння	Мінск
Грамадзянства	Беларусь;
Муж	Ігар Артамонаў
Адукацыя	Беларускае дзяржаўнае харэаграфічнае вучылішча (1979);
Прафесія	балерына
Гады актыўнасці	1979 — цяперашні час
Тэатр	Вялікі тэатр Беларусі
Ролі	Блудніца, лэдзі Капулеці, Зарэма
Спектаклі	Карміна Бурана, Рамэа і Джульета, Бахчысарайскі фантан
Узнагароды	Заслужаны артыст Рэспублікі Беларусь

Таццяна Рамуальдаўна Шаметаве́ц (нар. 1 студзеня 1960, Мінск) — беларуская артыстка балета. Заслужаная артыстка Беларусі (1990).

Біяграфічныя звесткі

У шлюбе з Ігарам Артамонавым, артыстам балету.

Танцоўшчыца шматграннай адоранасці, аднолькава свабодна валодае тэхнікай класічнага і сучаснага танца, выконвае партыі характарнага плана. Сярод партый у нацыянальным рэпертуары: Нявеста («Крылы памяці» У. Кандрусевіча), Ганна Багранародная («Страсці» А. Мдывані), Дзяўчына («Кругаверць» А. Залётнева). 3 іншага рэпертуару: Зарэма («Бахчысарайскі фантан^[ru]» Б. Асаф’ева), Блудніца («Карміна Бурана^[ru]» на музыку К. Орфа), Дзяўчына («Балеро^[ru]» на музыку М. Равеля), Мерседэс і сола («Дон Кіхот» і «Пахіта^[ru]» Л. Мінкуса), Дзева-выбранніца («Вясна свяшчэнная^[ru]» І. Стравінскага), Мірта («Жызэль^[ru]» А. Адана), Кармэн («Кармэн-сюіта^[ru]» Ж. Бізэ — Р. Шчадрына), сеньёра Капулеці («Рамэа і Джульета» С. Пракоф’ева), танцы ў операх.

Лаўрэатка прэміі імя Л. Александроўскай у складзе групы салістаў балета «Страсці» (1996).

Таццяна Рамуальдаўна Шаметавец // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
Мушынская Т. Гаркавы смак ісціны: Партрэты. Мн., 1993.