Тобі Магуайр

Тобі Магуайр
Тобі Магуайр
	англ.: Tobey Maguire
Дата нараджэння	27 чэрвеня 1975 (50 гадоў)
Месца нараджэння	Санта-Моніка, акруга Лос-Анджэлес, Каліфорнія, ЗША;
Грамадзянства	ЗША;
Жонка	Jennifer Meyer[d]
Дзеці	Ruby Sweetheart Maguire[d] і Otis Maguire[d]
Адукацыя	Young Actors Space[d];
Прафесія	кінаакцёр, акцёр, кінапрадзюсар, тэлеакцёр, акцёр агучвання, гулец у покер
IMDb	ID 0001497
	Медыяфайлы на Вікісховішчы

Тобіяс Вінсент Магуайр (англ.: Tobias Vincent Maguire; нар. 27 чэрвеня 1975(1975-06-27)^[1], Санта-Моніка, Каліфорнія) — амерыканскі акцёр і кінапрадзюсар. Найбольш вядомы тым, што сыграў загалоўнага персанажа з трылогіі Сэма Рэймі пра Чалавека-павука (2002—2007). Гэтую ролю ён пазней паўтарыў у фільме «Чалавек-павук: Няма шляху дадому» (2021) і ўсталяваў сусветны рэкорд Гінеса як «выканаўца самай працяглай ролі супергероя Marvel у кіно».

Сярод іншых яго фільмаў — «Плезантвіль» (1998), «Пагоня з Д’яблам» (1999), «Правілы вінаробаў» (1999), «Вундэркінды» (2000), «Фаварыт» (2003), «Добры немец» (2006), «Браты» (2009) і «Вялікі Гэтсбі» (2013).

Ён атрымаў дзве прэміі «Сатурн», у тым ліку адну за найлепшую мужчынскую ролю. Магуайр заснаваў сваю ўласную прадзюсарскую кампанію ў 2012 годзе пад назвай Material Pictures і ў тым жа годзе стаў супрадзюсерам Good People. У 2014 годзе ён выступіў прадзюсарам і зняўся ў ролі Бобі Фішэра ў фільме «Ахвяруючы пешкай».