Уладзімір Леанідавіч Клюня

Уладзімір Леанідавіч Клюня
Дата нараджэння	24 мая 1953(1953-05-24) (71 год)
Месца нараджэння	Вялікія Якентаны, Гервяцкі сельсавет, Астравецкі раён, Маладзечанская вобласць, БССР, СССР
Грамадзянства	Беларусь
Навуковая сфера	эканоміка
Месца працы	Полацкі дзяржаўны ўніверсітэт імя Ефрасінні Полацкай БДУ
Навуковая ступень	доктар эканамічных навук
Навуковае званне	прафесар
Альма-матар	гісторыка-педагагічны факультэт Гродзенскага педагагічнага інстытута імя Янкі Купалы (1975)
Вядомыя вучні	Інга Уладзіміраўна Зянькова
Вядомы як	прарэктар БДУ
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства адукацыі Рэспублікі Беларусь Ганаровая грамата БДУ[d]

Уладзімір Леанідавіч Клюня (нар. 24 мая 1954 года ў Вялікіх Якентанах Астравецкага р-на) — беларускі навуковец, эканаміст, педагог, доктар эканамічных навук, прафесар.

У 1970 годзе паступіў і ў 1975 годзе скончыў гістарычны факультэт Гродзенскі дзяржаўны ўніверсітэт імя Янкі Купалы. У 1975-1979 гадах навучалася ў аспірантуры пры кафедры палітічнай эканоміі Беларускага дзяржаўнага ўніверсітэта ў Мінску.

Дысертацыю на саісканне вучонай ступені кандыдата эканамічных навук па спецыяльнасці «Палітычная эканомія» абараніў у 1981 годе ў Беларускім дзяржаўным універсітэце. Тэма дысертацыі: «Пашыранае ўзнаўленне асноўных вытворчых фондаў як найважнейшая ўмова змены характару сельскагаспадарчай працы». У 1986 годзе Вышэйшая атэстацыйная камісія СССР надала яму навуковае званне дацэнта.

Дысертацыю на саісканне вучонай ступені доктара эканамічных навук па спецыяльнасці «Эканамічная тэорыя» абараніў 17 лютага 2000 года ў Беларускім дзяржаўным універсітэце. Тэма дысертацыі: «Эканамічныя праблемы развіцця аграпрамысловага комплексу ва ўмовах пераходнай эканомікі». У 2001 годзе Вышэйшая атэстацыйная камісія Рэспублікі Беларусь надала яму навуковае званне прафесара па спецыяльнасці «Эканоміка».

У 1979-2019 гадах працаваў у Беларускім дзяржаўным універсітэце. З 1991 года на працягу амаль трыццаці год кіраваў кафедрай эканамічнай тэорыі БДУ. У 2000-х гадах займаў пасаду прарэктара па вучэбнай рабоце БДУ, адказнага за гуманітарныя спецыяльнасці. Пасля таго, як у БДУ расфармавалі кафедру эканамічнай тэорыі, перайшоў на працу ў Полацкі дзяржаўны ўніверсітэт, дзе дагэтуль займае пасаду прафесара кафедры эканомікі.

Навуковая дзейнасць у асноўным накіравана на тэарэтычную распрацоўку праблем функцыянавання аграпрамысловага комплексу Беларусі, аграпрамысловых сістэм замежных краін. Аўтар каля 200 навуковых прац, у тым ліку каля двух дзясяткаў манаграфій. Асабіста і ў суаўтарстве апублікаваў больш за 20 навучальных дапаможнікаў, 12 з якіх з грыфам Міністэрства адукацыі Рэспублікі Беларусь. Падрыхтаваў 12 кандыдатаў навук. У 2001-2015 гадах з'яўляўся старшынёй савета па абароне дысертацый па эканамічных навуках пры Беларускім дзяржаўным універсітэце.

• Ганаровая грамата Нацыянальнага сходу Рэспублікі Беларусь
• Ганаровая грамата Савета Міністраў Рэспублікі Беларусь
• Ганаровая грамата Міністэрства адукацыі Рэспублікі Беларусь
• Грамата Выканаўчага камітэта СНД
• Ганаровыя граматы Беларускага дзяржаўнага ўніверсітэта

• 2006 — Медаль Свяціцеля Кірылы Тураўскага
• 2007 — Ордэн свяціцеля Кірыла Тураўскага II ступеня
• 2009 — Ордэн прападобнай Ефрасінні Полацкай
• 2014 — Ордэн свяціцеля Кірыла Тураўскага I ступеня

• Нагрудны знак Міністэрства адукацыі Рэспублікі Беларусь "Выдатнік адукацыі"
• Заслужаны супрацоўнік Беларускага дзяржаўнага ўніверсітэта

• Профіль аўтара ў Google Scholar
• Біяграфія на сайце "Эканоміка.by"
• Біяграфія на сайце Полацкага дзяржаўнага ўніверсітэта
• Біяграфія на сайце Беларускага дзяржаўнага ўніверсітэта Архівавана 14 лістапада 2021.