ФК Паперпрам Гомель

Паперпрам Гомель
Паперпрам Гомель
Заснаваны	2016
Горад	Гомель, Беларусь
Стадыён	«Гомсельмаш»; Умяшчальнасць: 3000
Дырэктар	Кірыл Яшчанка
Галоўны трэнер	Аляксей Краўчанка
Чэмпіянат	Першая ліга
2023	13 месца

«Паперпрам» — беларускі футбольны клуб з горада Гомель, заснаваны ў 2016 годзе. У цяперашні час выступае ў Першай лізе чэмпіянату Беларусі.

Гісторыя

Каманда была заснавана ў 2016 годзе і спачатку выступала ў міні-футболе. У 2017 годзе «Паперпрам» заявіўся на чэмпіянат Гомеля і з першай спробы атрымаў у ім перамогу^[1].

У канцы 2017 года стала вядома пра намер клуба заявіцца ў Другую лігу чэмпіянату Беларусі, і ў студзені 2018 года «Паперпрам» афіцыйна адправіў дакументы для ўдзелу^[2]. У Другой лізе клуб стаў аўтсайдарам і ў сезоне 2018 заняў апошняе 15-е месца, атрымаўшы толькі дзве перамогі (у тым ліку адну тэхнічную) і двойчы згуляўшы ўнічыю.

У студзені 2019 года стала вядома, што новы сезон каманда пачне ў чэмпіянаце Гомельскай вобласці^[3]. У сезоне 2020 «Паперпрам» вярнуўся на рэспубліканскі ўзровень^[4].

У пачатку 2021 года «Паперпрам» абвясціў аб пераходзе на прафесійны ўзровень, запрасіў вопытных футбалістаў, многія з якіх выступалі ў Вышэйшай лізе. Каманда ставіла мэтай змагацца за выхад у Першую лігу, здолела выйсці ў плэй-оф Другой лігі, але саступіла там на стадыі 1/8 фіналу. Тым не меней, з-за адмовы некаторых клубаў «Паперпрам» працягваў прэтэндаваць на павышэнне, аднак у студзені 2022 года АБФФ паміж «Паперпрамам» і «Маладзечна» абрала для ўдзелу ў Першай лізе маладзечанскі клуб^[5]. У лютым 2022 года, пасля таго як «Крумкачы» адмовіліся ад удзелу ў Першай лізе ў сезоне 2022, гомельскі клуб атрымаў прапанову далучыцца да Першай лігі, але вырашыў застацца ў Другой лізе^[6].

У сезоне 2022, добра ўзмаціўшыся, клуб працягваў намагацца выйсці ў Першую лігу. Аднак, атрымаўшы ўпэўненую перамогу ў гомельскім дывізіёне Другой лігі, «Паперпрам» выбыў з далейшай барацьбы ўжо на стадыі 1/8 фіналу, саступіўшы па суме двух матчаў мінскім «Крумкачам». Тым не менш, АБФФ разглядала магчымасць павышэння каманды ў выпадку адмовы іншых патэнцыйных удзельнікаў Першай лігі. 16 лютага 2023 года «Паперпрам» быў дапушчаны да ліцэнзавання для ўдзелу ў Першай лізе^[7], а 10 сакавіка разам з іншымі клубамі атрымаў ліцэнзію, такім чынам афіцыйна далучыўшыся да Першай лігі ў сезоне 2023^[8]. Дэбютны сезон у Першай лізе прынёс камандзе 13-е месца з 17.

Дасягненні

Чэмпіён першынства горада турніру «Белая Русь» па міні-футболе 2016
Чэмпіён горада Гомеля па футболе 2017

Цяперашні склад

Станам на жнівень 2024 года^[9].


№	Паз.	Імя	Нар.
16	Бр	Канстанцін Рудзянок	1990
23	Бр	Уладзіслаў Зярнаеў	2000

3	Аб	Дзмітрый Дзенісенка	2001
4	Аб	Сяргей Кружылін	2003
5	Аб	Кірыл Ялагін	2002
8	Аб	Аляксей Абрамаў	2000
79	Аб	Сяргей Слепаў	1999

7	ПА	Дзяніс Галенка	1996
9	ПА	Эдуард Сімончык	1995
10	ПА	Уладзіслаў Драпеза (у арэндзе з «Гомеля»)	2001


№	Паз.	Імя	Нар.
14	ПА	Арцём Жвірбля	2001
17	ПА	Дзмітрый Халімончыкаў	1998
18	ПА	Максім Васпукоў	1999
22	ПА	Аляксандр Савіцкі (у арэндзе з «Гомеля»)	2004
47	ПА	Уладзімір Дуброўскі	2003
59	ПА	Арцём Жаўнярэнка	2003
69	ПА	Данііл Кавалёў	2001
91	ПА	Арцём Міраеўскі	1999
95	ПА	Дзмітрый Велісевіч	1995

19	Нап	Дэні Макаеў	2001

Трэнерскі штаб

Аляксей Краўчанка (нар. 1985) — галоўны трэнер
Сяргей Кабельскі (нар. 1973) — трэнер
Максім Каешка (нар. 1993) — трэнер

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2018	Другая (Д3)	15	28	2	2	24	20–96	8	1/64 фіналу
2019	Чэмпіянат Гомельскай вобласці (Д4)^[10]	3	12	6	3	3	36–25	21
2020	Другая — Група B (Д3)	8	20	7	3	10	29–51	24	1/32 фіналу
2020	Матчы за 15 месца	16	2	0	1	1	2–3		1/32 фіналу
2021	Другая — Гомельскі дывізіён (Д3)	2	14	11	2	1	41–5	35	1/128 фіналу
2021	Другая — плэй-оф (Д3)	9-16	2	0	0	2	1–7		1/128 фіналу
2022	Другая — Гомельскі дывізіён (Д3)	1	18	17	0	1	165–11	51	1/32 фіналу
2022	Другая — плэй-оф (Д3)	9-16	2	0	1	1	0–1		1/32 фіналу	Атрыманне месца ў Першай лізе
2023	Першая (Д2)	13	32	10	8	14	45–62	38	1/16 фіналу