Першая ліга чэмпіянату Беларусі па футболе 2023

Першая ліга чэмпіянату Беларусі па футболе 2023 Чэмпіянат Рэспублікі Беларусь па футболе сярод каманд Першай лігі
Падрабязнасці чэмпіянату
Час правядзення	1 красавіка — 25 лістапада
Колькасць удзельнікаў	17
Гарады	15
Стадыёны	17
Прызавыя месцы
Чэмпіён	Арсенал (Дзяржынск) (2-і раз)
Другое месца	Дняпро (Магілёў)
Трэцяе месца	Віцебск
Статыстыка чэмпіянату
Бамбардзір(ы)	Юрый Клачкоў (Дняпро)  (22 мячы)
← 2022 2024 →

Першая ліга чэмпіянату Беларусі па футболе 2023 (33-і Чэмпіянат Рэспублікі Беларусь па футболе сярод каманд Першай лігі) — другі па рангу дывізіён (пасля Вышэйшай лігі) па футболе сярод беларускіх каманд 2023 года.

Лідарства ў табліцы хутка захапіў дзяржынскі «Арсенал», які здабыў перамогі ў першых дзесяці турах і ў далейшым захаваў першы радок да канца турніру. Некаторы час канкурэнцыю яму складаў гомельскі «Лакаматыў», аднак у верасні 2023 года АБФФ патлумачыла, што клуб не зможа прэтэндаваць на выхад у Вышэйшую лігу^[1]. Пасля гэтага чыгуначнікаў у табліцы перагналі магілёўскі «Дняпро» і «Віцебск», якія згубілі шмат ачкоў у пачатку турніру. Змагаючыся за другі радок, яны ў выніку набралі роўную колькасць ачкоў, аднак па дадатковых паказчыках (перавага ў асабістых сустрэчах) другім стаў «Дняпро», які такім чынам выйшаў у Вышэйшую лігу. «Віцебск» пасля перамогі ў пераходных матчах над «Энергетыкам-БДУ» (0:0, 1:0) таксама здабыў павышэнне.

Першапачаткова планавалася, што ў турніры прымуць удзел 16 каманд: у параўнанні з сезонам 2022 у Вышэйшую лігу выйшлі наваполацкі «Нафтан», «Смаргонь» і рагачоўскі «Макслайн», з Вышэйшай лігі ў Першую пераходзілі дзяржынскі «Арсенал», «Віцебск» і магілёўскі «Дняпро». З Першай лігі ў Другую не выбываў ніхто, а з Другой лігі ў Першую планавалася павышэнне трох каманд (з першых васьмі месцаў), каб павялічыць склад лігі з 13 каманд да 16.

28 лістапада 2022 года на паседжанні Выканкама АБФФ «Макслайну» было адмоўлена ў допуску для праходжання ліцэнзавання на ўдзел у Вышэйшай лізе з-за таго, што клуб з’яўляецца членам федэрацыі меней за належныя два гады^[2]. 30 лістапада АБФФ выпусціла афіцыйную заяву наконт адмовы^[3]. 19 снежня 2022 года Арбітраж АБФФ адхіліў апеляцыю «Макслайна» на рашэнне выканкама, такім чынам яно стала канчатковым^[4]. 10 студзеня 2023 года на паседжанні савета фундатараў і спонсараў «Макслайна» было вырашана, што клуб у сезоне 2023 прыме ўдзел у Першай лізе, пры гэтым перабазуецца ў іншы горад^[5]. 2 сакавіка 2023 года «Макслайн» афіцыйна абвясціў, што пераязджае ў Віцебск^[6].

Сярод першых васьмі клубаў Другой лігі па выніках сезона 2022 у лістападзе 2022 года было праведзена апытанне, згодна з якім павысіцца былі гатовыя чатыры: «Ніва» з Доўбізна (1-е месца), мінскія «Крумкачы» (2-е месца), мар’інагорская «Вікторыя» (4-е месца) і «Жодзіна-Паўднёвае» (5-е месца)^[7]. 6 студзеня 2023 года па выніках нарады клубаў Першай лігі ў АБФФ было вызначана, што да ліцэнзавання будуць дапушчаны 18 клубаў^[8]. Клубы пагадзіліся пашырыць лігу да 18 удзельнікаў, пры гэтым у выпадку адмовы некаторых каманд яна магла вярнуцца да схемы з 16 удзельнікамі, таксама ў якасці запасных варыянтаў разглядалася запрашэнне ахвочых клубаў, якія саступілі ў 1/8 фіналу Другой лігі — гомельскага «Паперпрама» і віцебскага «Вялеса-2020».

13 студзеня «Крумкачы» адмовіліся ад праходжання ліцэнзавання і ўдзелу ў Першай лізе^[9], 27 студзеня тое ж зрабіла «Вікторыя»^[10]. 16 лютага «Паперпрам» быў дапушчаны да ліцэнзавання замест клубаў, якія адмовіліся^[11]. «Вялес-2020» жа ў выніку не пайшоў у Першую лігу, такім чынам атрымалася 17 патэнцыйных удзельнікаў. 10 сакавіка па выніках паседжання камітэта па клубным ліцэнзаванні АБФФ усе яны атрымалі ліцэнзіі на ўдзел у Першай лізе ў сезоне 2023^[12].

6 сакавіка 2023 года была зацверджана схема ратацыі: з Першай лігі ў Вышэйшую наўпрост выходзяць дзве найлепшыя каманды, а трэцяя каманда Першай лігі гуляе пераходныя матчы з 14-й камандай Вышэйшай лігі; з Вышэйшай лігі наўпрост выбывае ў першую апошняя 15-я каманда. Выбывае з Першай лігі апошняя каманда, а з Другой лігі ў Першую павышаюцца тры клубы^[13]. Такім чынам, у сезоне 2024 планаваўся ўдзел 18 каманд у Першай лізе.

16 сакавіка 2023 года адбылася жараб’ёўка Першай лігі^[14].

• «Арсенал» (Дзяржынск) (14-е месца ў Вышэйшай лізе 2022, паражэнне ў пераходных матчах)
• «Віцебск» (15-е месца ў Вышэйшай лізе 2022)
• «Дняпро» (Магілёў) (15-е месца ў Вышэйшай лізе 2022)
• «Ніва» (Доўбізна) (1-е месца ў Другой лізе 2022)
• «Жодзіна-Паўднёвае» (5-е месца ў Другой лізе 2022)
• «Паперпрам» (Гомель) (удзельнік 1/8 фіналу Другой лігі 2022, атрыманне месца ў Першай лізе замест клубаў, якія адмовіліся)

• «Нафтан» (Наваполацк) (1-е месца ў Першай лізе 2022, выхад у Вышэйшую лігу)
• «Смаргонь» (2-е месца ў Першай лізе 2022, выхад у Вышэйшую лігу)

• «Макслайн» пераехаў з Рагачова ў Віцебск

Ніва

Жодзіна-Паўднёвае

Арсенал

Баранавічы

Хваля

Орша

Лакаматыў, Паперпрам

Ліда

Слонім-2017

Віцебск, Макслайн

Дняпро

Асіповічы

Астравец

Маладзечна

Шахцёр

Геаграфія ўдзельнікаў сезона 2023

М	Каманда	Г	В	Н	П	Мячы	±	А	Заўвагі
1	Арсенал (Дзяржынск)	32	26	3	3	86 − 30	+56	81	Выхад у Вышэйшую лігу
2	Дняпро (Магілёў)	32	22	7	3	75 − 24	+51	73
3	Віцебск	32	23	4	5	68 − 22	+46	73	Пераходныя матчы
4	Лакаматыў (Гомель)	32	19	5	8	55 − 40	+15	62
5	Макслайн (Віцебск)	32	19	4	9	84 − 52	+32	61
6	Баранавічы	32	14	6	12	46 − 49	−3	48
7	Жодзіна-Паўднёвае	32	13	7	12	62 − 52	+10	46
8	Хваля (Пінск)	32	12	7	13	41 − 49	−8	43
9	Ніва (Доўбізна)	32	12	5	15	53 − 66	−13	41
10	Ліда	32	12	5	15	44 − 48	−4	41
11	Маладзечна	32	11	8	13	51 − 56	−5	41
12	Астравец	32	10	9	13	54 − 62	−8	39
13	Паперпрам (Гомель)	32	10	8	14	45 − 62	−17	38
14	Орша	32	8	7	17	50 − 62	−12	31
15	Слонім-2017	32	5	7	20	26 − 63	−37	22
16	Шахцёр (Петрыкаў)	32	6	4	22	33 − 72	−39	22
17	Асіповічы	32	1	2	29	21 − 85	−64	5	Вылет у Другую лігу

Г — гульні, В — перамогі, Н — нічыі, П — паражэнні, Галы — забітыя і прапушчаныя галы, ± — розніца галоў, А — ачкі

Прыведзены вынікі ўсіх матчаў, згуляных на 25 лістапада 2023
Крыніца: football.by
¹ Каманда, якая гуляе на хатнім стадыёне, паказана ў левым слупку.
Колеры: сіні = перамога гаспадараў; жоўты = нічыя; чырвоны = перамога гасцей.

Па выніках сезона «Віцебск» атрымаў права на пераходныя матчы за месца ў Вышэйшай лізе супраць мінскага «Энергетыка-БДУ» (14-е месца ў Вышэйшай лізе). Па суме дзвюх сустрэч «Віцебск» атрымаў перамогу і месца ў Вышэйшай лізе на наступны год.

9 снежня 2023 15:00	Віцебск	1:0	Энергетык-БДУ (Мінск)	Стадыён: Футбольны манеж, Віцебск Гледачоў: 300 Суддзя: Сяргей Сцяцурын (Брэст)
	Р. Цевераў  7' (пен.)	football.by

№	Ігрок	Клуб	Галы
1	Юрый Клачкоў	Дняпро	22
2	Іван Грудзько	Макслайн	20
3	Карэн Варданян	Віцебск	16
4	Уладзіслаў Фядосаў	Орша	15
5	Марат Калінчанка	Жодзіна-Паўднёвае	14
6	Мацвей Герасімаў	Арсенал	13
6	Андрэй Леўкавец	Арсенал	13
6	Дзмітрый Федарцоў	Ніва	13
9	Аляксандр Буцько	Лакаматыў	12
9	Дзмітрый Галуза	Баранавічы	12
9	Станіслаў Стэфановіч	Шахцёр	12

Крыніца: ^[15]

• Профіль на сайце kick-off.by (руск.)
• Профіль на сайце football.by (руск.)