Францішак Ксаверый Агінскі

Францішак Ксаверый Агінскі
Герб «Агінец»
Вялікі кухмістр літоўскі 1775 — 1795
Папярэднік	Міхал Вяльгорскі
Пераемнік	пасада скасавана
Нараджэнне	1742(1742)
Смерць	1814(1814) Маладзечна
Месца пахавання	Маладзечна[1]
Род	Агінскія
Бацька	Тадэвуш Францішак Агінскі
Маці	Ізабела Радзівіл
Жонка	няма
Дзеці	няма
Узнагароды

Францішак Ксаверый Агінскі (Станіслаў) (1742—1814, Маладзечна) — дзяржаўны і ваенны дзеяч Вялікага Княства Літоўскага.

Стражнік польны літоўскі з 1770, апошні кухмістр вялікі літоўскі ў 1775—1795, староста рэтаўскі і пшэвальскі.

Быў барскім канфедэратам. Будучы стражнікам у ноч на 23 верасня 1771 году ўдзельнічаў у бітве пад Сталовічамі і трапіў у палон. За яго вызваленне пазней клапаціўся сам кароль Станіслаў Аўгуст Панятоўскі^[2].

Валодаў маёнткамі ў Маладзечне, Гануце і Залессі, апошняе за адсутнасцю нашчадкаў ў 1802 перайшло да яго пляменніка Міхала Клеафаса.

Паходзіў з княскай лініі роду Агінскіх, малодшы сын Тадэвуша Францішка Агінскага (1712—1783) і Ізабелы Радзівіл (1711—1761), дзядзька кампазітара Міхала Клеафаса Агінскага (1765—1833). Не быў жанаты і не пакінуў нашчадкаў.

• Генеалогія магнацкіх радоў Рэчы Паспалітай Архівавана 27 верасня 2013.