Царква ў гонар Казанскага абраза Маці Божай (Вялікія Шылавічы)

Праваслаўны храм
Царква ў гонар Казанскага абраза Маці Божай
53°01′55″ пн. ш. 25°22′36″ у. д.HGЯO
Краіна	Беларусь
Вёска	Вялікія Шылавічы
Канфесія	Праваслаўе
Епархія	Навагрудская
Благачынне	Слонімскае
Архітэктурны стыль	класіцызм
Дата пабудовы	XIX стагоддзе
Статус	Гісторыка-культурная каштоўнасць Беларусі, шыфр 413Г000774шыфр 413Г000774
Стан	дзейнічае
Глобус Беларусі	globustut.by/bolsh_shilo…
Медыяфайлы на Вікісховішчы

Царква ў гонар Казанскага абраза Маці Божай — праваслаўны храм у вёсцы Вялікія Шылавічы Слонімскага раёна Гродзенскай вобласці. Знаходзіцца ў цэнтры вёскі.

Пабудавана ў другой палове XIX стагоддзя з цэглы і бутавага каменю. У 1882 годзе адрамантавана пасля пашкоджання маланкай. Прастольнае свята 4 лістапада.

• 
  Пашкоджаная ў часы Першай сусветнай вайны царква
• 
  Пашкоджаная ў часы Першай сусветнай вайны царква
• 
  Інтэр’ер. 1916
• 
  Пашкоджаная ў часы Першай сусветнай вайны царква

Царква — помнік архітэктуры позняга класіцызму. Асновай прасторавай кампазіцыі з’яўляецца цэнтрычны васьмігранны аб’ём, завершаны сферычным купалам на гранёным барабане. Па падоўжанай восі да асноўнага аб’ёму далучаны прамавугольныя ў плане бабінец і апсіда. Галоўны ўваход вырашаны 4-калонным порцікам. На фоне бутавай муроўкі сцен вылучаюцца атынкаваныя карнізы, ліштвы паўцыркульных акон, руст. У інтэр'еры апсіда вылучана драўляным іканастасам.

• 
  Галоўны фасад з порцікам
• 
  Царква з боку апсіды
• 
  Інтэр'ер. Іканастас
• 
  Інтэр'ер. Хоры
• 
  Дзверы

Аналагічна з царквой вырашана асобна размешчаная званіца: цэнтрычны двух’ярусны аб’ём са сферычным купалам. Архітэктура вежы насычана класічным дэкорам: 1-ы ярус апрацаваны рустам, 2-і крапаваны кароткімі пілястрамі, архівольтамі арачных праёмаў. Ярусы вылучаны магутнымі антаблементамі з паясамі прафіляваных карнізаў і сухарыкаў, фрызам на дэнтыкулах.

• Памяць: Гіст.-дакум. хроніка Слонімскага раёна. — Мн.: БЕЛТА, 2004.— 752 с. — стар. 676.
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
• А. М. Кулагін. 1292. Мікалаеўская царква // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 413Г000774

• На Вікісховішчы ёсць медыяфайлы па тэме Царква ў гонар Казанскага абраза Маці Божай (Вялікія Шылавічы)
• Царква ў гонар Казанскага абраза Маці Божай (Вялікія Шылавічы) на сайце Праваслаўная архітэктура Беларусі (бел.)
• Царква ў гонар Казанскага абраза Маці Божай (Вялікія Шылавічы) на сайце Глобус Беларусі (руск.)
• Царква ў гонар Казанскага абраза Маці Божай (Вялікія Шылавічы) на сайце «Архіварта»