Ціт Рыгоравіч Сянькоў

Ціт Рыгоравіч Сянькоў
Ціт Рыгоравіч Сянькоў
Дата нараджэння	2 красавіка 1917
Месца нараджэння	Старакожаўка, Дрыбінскі раён, Беларусь;
Дата смерці	22 лютага 1985 (67 гадоў)
Месца смерці	Адэса, Адэская вобласць, УССР, СССР;
Альма-матар	Ваенна-паветраная акадэмія імя Ю. А. Гагарына; Курсы ўдасканалення каманднага саставу[d]; Краснадарскае вышэйшае ваеннае авіяцыйнае вучылішча лётчыкаў[d];
Грамадзянства	СССР;
Прыналежнасць	СССР
Званне	палкоўнік
Бітвы/войны	Вялікая Айчынная вайна;
Узнагароды і званні	;

Ціт Рыгоравіч Сянько́ў^[1] (2 красавіка 1917, вёска Старакожаўка, Дрыбінскі раён, Магілёўская вобласць — 22 лютага 1985) — ваенны лётчык, Герой Савецкага Саюза (1944).

Біяграфія

З сялян. Член КПСС з 1943 года. Скончыў Дрыбінскі заатэхнікум (1937), Краснадарскае ваеннае авіяцыйнае вучылішча лётчыкаў-назіральнікаў (1940). У Вялікую Айчынную вайну з 1941 года на Заходнім, Сталінградскім, 1-м і 2-м Украінскім франтах, штурман звяна, эскадрыллі бамбардзіровачнага авіяпалка. Удзельнік Сталінградскай, Арлоўска-Курскай, Корсунь-Шаўчэнкаўскай, Яска-Кішынёўскай, Львоўскай, Вісла-Одэрскай і Берлінскай аперацый. Штурман эскадрыллі капітан Сянькоў да чэрвеня 1944 года зрабіў 123 баявыя вылеты. Бомбавымі ўдарамі каля г. Знаменка Кіраваградскай вобл. 7 снежня 1943 года эскадрылля Сянькова знішчыла 8 танкаў, 10 аўтамашын з войскамі і грузам, заглушыла 20 агнявых кропак праціўніка, чым садзейнічала савецкім войскам у авалодванні горадам Знаменка.

Пасля вайны Ціт Рыгоравіч Сянькоў працягваў службу ў Савецкай Арміі. У 1948 годзе скончыў Вышэйшую афіцэрскую авіяцыйную школу, у 1954 годзе Курсы ўдасканалення афіцэрскага саставу, у 1958 годзе - Ваенна-паветраную акадэмію. З 1961 года палкоўнік Ц. Р. Сянькоў у запасе. Пражываў у Адэсе.

Зноскі

↑ БелЭн 2002.

Літаратура

Сянько́ў Ціт Рыгоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 352—353. — 10 000 экз. — ISBN 985-11-0035-8. — ISBN 985-11-0251-2 (т. 15).
Сянько́ў Ціт Рыгоравіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 480. — 10 000 экз. — ISBN 985-11-0214-8.
Беларуская ССР: Кароткая энцыклапедыя ў 5 т. / Рэд. кал.: І. П. Шамякін і інш. — Мн.: «Беларуская Савецкая Энцыклапедыя» імя Петруся Броўкі, 1981. — Т. 5: Біяграфічны даведнік. — С. 588. — 720 с. — 15 000 экз.